ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സുമായുള്ള നിര്‍ണായക മത്സരത്തില്‍ 98 റണ്‍സിന്റെ വമ്പന്‍ തോല്‍വി ഏറ്റുവാങ്ങി ലഖ്‌നൗ സൂപ്പര്‍ ജയന്‍്‌സ്. മത്സരത്തില്‍ ആദ്യം ബാറ്റിംഗിനിറങ്ങിയ കൊല്‍ക്കത്ത സുനില്‍ നരെയ്‌ന്റെ 81 റണ്‍സ് പ്രകടനത്തിന്റെ മികവില്‍ 20 ഓവറില്‍ 6 വിക്കറ്റ് നഷ്ടത്തില്‍ 235 റണ്‍സാണ് അടിച്ചെടുത്തത്. മറുപടി ബാറ്റിംഗിനിറങ്ങിയ ലഖ്‌നൗ പക്ഷേ 16.1 ഓവറില്‍ 137 റണ്‍സിന് പുറത്താവുകയായിരുന്നു. ഇതോടെ 16 പോയന്റുമായി കൊല്‍ക്കത്ത പോയന്റ് പട്ടികയില്‍ ഒന്നാമതെത്തി. ലഖ്‌നൗവിനെതിരായ പ്രകടനത്തോടെ മികച്ച റണ്‍റേറ്റും കൊല്‍ക്കത്തയ്ക്ക് നേടാനായി.
