ഇത് കൂടാതെയും വിവിധ മാറ്റങ്ങള്‍ ടീമുകളില്‍ ഉറപ്പായും ഉണ്ടാകും. പല ഊഹാപോഹങ്ങളും ട്രാന്‍സ്ഫര്‍ വിന്‍ഡോയെ പറ്റി പ്രചരിക്കുന്നുണ്ട്. ദേവ്ദത്ത് പടിക്കലിന് പകരമായി ലഖ്‌നൗ താരം ആവേശ് ഖാന്‍ രാജസ്ഥാനിലെത്തിയ വാര്‍ത്തയും ഷഹബാസ് അഹമ്മദിന് പകരം സണ്‍റൈസേഴ്‌സ് ഹൈദരാബാദ് താരമായ മായങ്ക് ദാങ്കറിനെ ആര്‍സിബി ടീമിലെത്തിച്ച വാര്‍ത്തയ്ക്കുമാണ് ഇതുവരെ സ്ഥിരീകരണം ലഭിച്ചിട്ടുള്ളത്. കഴിഞ്ഞ സീസണില്‍ പരാജയമായിരുന്നു ഡല്‍ഹി താരം പൃഥ്വി ഷായെ ടീം നിലനിര്‍ത്തിയതായി റിപ്പോര്‍ട്ടുകളുണ്ട്.
ബെന്‍ സ്‌റ്റോക്‌സ്, ജോ റൂട്ട് എന്നീ ഇംഗ്ലണ്ട് താരങ്ങള്‍ ഇത്തവണ ഐപിഎല്ലില്‍ കളിക്കില്ലെന്ന് അറിയിച്ചിട്ടുണ്ട്. അതേസമയം ഇക്കഴിഞ്ഞ ലോകകപ്പില്‍ മികച്ച പ്രകടനങ്ങള്‍ നടത്തിയ ട്രാവിസ് ഹെഡ്,ഡാരില്‍ മിച്ചല്‍,രചിന്‍ രവീന്ദ്ര,മിച്ചല്‍ സ്റ്റാര്‍ക്ക് അടക്കമുള്ള താരങ്ങള്‍ ഐപിഎല്ലില്‍ ഭാഗമായേക്കും. ശ്രീലങ്കയുടെ ദില്‍ഷന്‍ മധുഷങ്കയെയും ടീമുകള്‍ നോട്ടമിട്ടിട്ടുണ്ട്.
