ലേലത്തില് പങ്കെടുക്കുന്ന ഫ്രാഞ്ചൈസികളില് ഏറ്റവും കൂടുതല് പേഴ്സ് ബാലന്സ് ഉള്ളത് കൊല്ക്കത്ത നൈറ്റ് റൈഡേഴ്സിനാണ്, 64.3 കോടി. 13 താരങ്ങളെയാണ് കൊല്ക്കത്തയ്ക്കു വേണ്ടത്. അതില് ആറ് ഓവര്സീസ് താരങ്ങളെ വിളിച്ചെടുക്കാം. ചെന്നൈ സൂപ്പര് കിങ്സിനു ഒന്പത് താരങ്ങളെ വേണം. ഡല്ഹി ക്യാപിറ്റല്സ് 8, ഗുജറാത്ത് ടൈറ്റന്സ് 5, ലഖ്നൗ സൂപ്പര് ജയന്റ്സ് 6, മുംബൈ ഇന്ത്യന്സ് 5, പഞ്ചാബ് കിങ്സ് 4, രാജസ്ഥാന് റോയല്സ് 9, റോയല് ചലഞ്ചേഴ്സ് ബെംഗളൂരു 8, സണ്റൈസേഴ്സ് ഹൈദരബാദ് 10 എന്നിങ്ങനെയാണ് ടീമില് നികത്തേണ്ട താരങ്ങളുടെ എണ്ണം. ഏറ്റവും കുറവ് പേഴ്സ് ബാലന്സ് മുംബൈ ഇന്ത്യന്സിനാണ്, 2.75 കോടി മാത്രം.
