സഹോദരന്‍ പ്രണയിച്ചതിന് ശിക്ഷയായി സഹോദരിയെ നഗ്നയായി ഒരു മണിക്കൂറോളം നടത്തിച്ചു. ലോകത്തെ മൊത്തം ഞെട്ടിച്ച ഈ സംഭവം നടന്നത് പാകിസ്ഥാനിലെ ഖൈബര്‍ പഖ്തുഖ്വ പ്രവിശ്യയിലാണ്. ഒക്ടോബര്‍ 27നാണ് സംഭവം നടന്നതെന്ന് ജിയോ ടിവി റിപ്പോര്‍ട്ടു ചെയ്യുന്നു.
വെള്ളം എടുത്ത് തിരിച്ചുവരികയായിരുന്ന പതിനാറുകാരിയെ ഒരുകൂട്ടം യുവാക്കള്‍ ചേര്‍ന്ന് നഗ്നയാക്കിയശേഷം പൊതുമധ്യത്തിലൂടെ നടത്തിക്കുകയായിരുന്നു. മൂന്നുവര്‍ഷം മുമ്പ് പെണ്‍കുട്ടിയുടെ സഹോദരന്‍ സജാദും ആ ഗ്രാമത്തിലെ ഒരു പെണ്‍കുട്ടിയുമായി പ്രണയത്തിലായിരുന്നു.
പ്രശ്‌നം പരിഹരിക്കാന്‍ സജാദില്‍ നിന്നും ഒരുലക്ഷത്തി അയ്യായിരം രൂപ പിഴയായി വാങ്ങുകയും ചെയ്തിരുന്നു. എന്നാല്‍ എന്നിട്ടും ആ കുടുംബത്തോടുള്ള വിദ്വേഷം തീരാത്ത ചിലര്‍ സജാദിന്റെ സഹോദരിയെ ശിക്ഷിക്കാന്‍ തീരുമാനിക്കുകയായിരുന്നു.
