Israel vs Iran: ലോകത്തെ യുദ്ധമുനമ്പിലേക്ക് തള്ളിയിട്ട് ഇസ്രയേല്‍; ഇറാന്റെ ആണവ നിലയങ്ങള്‍ തകര്‍ത്തു, ഉഗ്രസ്‌ഫോടനം, അടിയന്തരാവസ്ഥ
സൈനിക കേന്ദ്രങ്ങളും അവയുടെ തലവന്‍മാരും മാത്രമായിരുന്നു ആക്രമണത്തിന്റെ ലക്ഷ്യം. സാധാരണക്കാരായ ജനങ്ങളെ തങ്ങള്‍ ലക്ഷ്യമിട്ടിട്ടില്ലെന്നും ഇസ്രയേല്‍ പറയുന്നു. 'റൈസിങ് ലയണ്‍' എന്നാണ് ഇറാനെതിരായ ഓപ്പറേഷന് ഇസ്രയേല്‍ പേരിട്ടിരിക്കുന്നത്. ഇസ്രയേലിന്റെ അതിജീവനത്തിനു വെല്ലുവിളിയായ ഇറാന്റെ ആണവായുധ ശക്തിക്കെതിരെയാണ് പോരാട്ടമെന്ന് ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു പറഞ്ഞു. ഇറാന്‍ തിരിച്ചടിക്കാന്‍ സാധ്യതയുള്ളതിനാല്‍ ഇസ്രയേലില്‍ അടിയന്തരാവസ്ഥ പ്രഖ്യാപിച്ചിട്ടുണ്ട്.
