കഴിഞ്ഞ വര്‍ഷം ഇസ്രായേലിനെതിരെ ഹമാസ് നടത്തിയ ആക്രമണത്തില്‍ 1200ലേരെ പേര്‍ കൊല്ലപ്പെടുകയും 250 ഓളം പേര്‍ ബന്ദികളാക്കപ്പെടുകയും ചെയ്തിരുന്നു. ഇതിന് മറുപടിയായി ഇസ്രായേല്‍ നടത്തിയ പ്രത്യാക്രമണത്തില്‍ 44,000ത്തിലധികം പേരാണ് കൊല്ലപ്പെട്ടത്. ഒരു ലക്ഷത്തിലേറെ പേര്‍ക്ക് പരിക്കേല്‍ക്കുകയും ചെയ്തതായാണ് കണക്കുകള്‍. യുദ്ധത്തില്‍ നിരവധി ഹമാസ് നേതാക്കളെയും ഹമാസിന്റെ സൈനികനേതൃത്വത്തെയും ഇസ്രായേല്‍ തകര്‍ത്തിരുന്നു. ഹമാസിനെ പിന്തുണയ്ക്കുന്ന ലബനന്‍ ആസ്ഥാനമായ ഹിസ്ബുല്ലയുടെ തലവന്മാരെയും ഇസ്രായേല്‍ വധിച്ചിരുന്നു.
