കൊവിഡ് 19നു മുന്നിൽ വിറങ്ങലിച്ച് അമേരിക്ക. ലോകത്തിലെ രോഗബാധിതരുടെ അഞ്ചില്‍ ഒന്നും അമേരിക്കയില്‍ തന്നെ. 1900 പേരാണ് വ്യാഴാഴ്ച മാത്രം അമേരിക്കയില്‍ കോവിഡ് ബാധിച്ച് മരിച്ചത്. ഇതോടെ രാജ്യത്തെ ആകെ മരണ സംഖ്യ 16691 ആയി. രോഗാബാധിതരുടെ എണ്ണം 4,68,5566 ആണ്. ഇതിൽ ന്യൂ യോർക്ക് ആണ് പേടിപ്പെടുത്തുന്നത്.
ന്യൂയോര്‍ക്കിലെ ഹാര്‍ട്ട് ഐലന്‍ഡിലാണ് വലിയ കുഴിമാടം തീര്‍ത്തിരിക്കുന്നത്. കൊവിഡ് 19 ബാധിച്ച് മരണമടയുന്ന, അടുത്ത ബന്ധുക്കൾ ഇല്ലാത്തവരേയും സംസ്കാരത്തിനു ചിലവ് വഹിക്കാൻ കഴിയാത്തവരേയുമാണ് ഇവിടെ സംസ്കരിക്കുക. സുരക്ഷാ കവചമണിഞ്ഞ തൊഴിലാളികള്‍ വലിയ കുഴിയില്‍ കൂട്ടമായി ശവപ്പെട്ടികള്‍ അടക്കം ചെയ്യുന്നതിന്റെ ഡ്രോണ്‍ ചിത്രങ്ങള്‍ മാധ്യമങ്ങള്‍ പ്രസിദ്ധീകരിച്ചിട്ടുണ്ട്. കുഴിമാടത്തിലേക്ക് കോവണി വഴിയാണ് തൊഴിലാളികൾ ഇറങ്ങുക.
