കനത്ത മഴയില്‍ ചൈനയില്‍ ഹൈവേ തകര്‍ന്നുണ്ടായ ദുരന്തത്തില്‍ മരണസംഖ്യ 36 ആയി. ചൈനയില്‍ ഗൗങ്ഡങ് പ്രവിശ്യയിലാണ് സംഭവം. ദുരന്തത്തില്‍ താഴ്ചയിലേക്ക് വീണ വാഹനങ്ങള്‍ പുറത്തെടുക്കാനുള്ള ശ്രമങ്ങള്‍ തുടരുകയാണ്. 30തോളം പേര്‍ക്കാണ് പരിക്കേറ്റിട്ടുള്ളത്. അല്‍ ജസീറയാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. കഴിഞ്ഞദിവസം മെയ്ദിന അവധിയായിരുന്നു. ഈ സമയത്ത് റോഡില്‍ തിരക്ക് കൂടുതലാണ്. 17.9 മീറ്റര്‍ റോഡാണ് തകര്‍ന്നത്. 23 വാഹനങ്ങള്‍ മണ്ണിനടിയില്‍ നിന്ന് കണ്ടെടുത്തു.
