കുട്ടികള്‍ മുതല്‍ മുതിര്‍ന്നവര്‍ വരെ അശ്രദ്ധയോടെയാണ് പലപ്പോഴും മൊബൈല്‍ ഫോണ്‍ ഉപയോഗിക്കുന്നത്. ചില കാര്യങ്ങള്‍ ശ്രദ്ധിക്കാതെ മൊബൈല്‍ ഫോണ്‍ ഉപയോഗിച്ചാല്‍ ഒട്ടേറെ അപകടങ്ങള്‍ക്ക് കാരണമാകും. അതിലൊന്നാണ് ചാര്‍ജ്ജ് ചെയ്യുന്നതിനിടെയുള്ള മൊബൈല്‍ ഫോണ്‍ ഉപയോഗം. മൊബൈല്‍ ഫോണ്‍ ചാര്‍ജ്ജ് ചെയ്യാന്‍ കുത്തിയിട്ട ശേഷം ഫോണ്‍ വിളിക്കുകയോ ഗെയിം കളിക്കുകയോ മറ്റ് ഏതെങ്കിലും ആവശ്യത്തിനു ഫോണ്‍ ഉപയോഗിക്കുകയോ ചെയ്യുന്നത് ഇക്കാലത്ത് സാധാരണമാണ്. എന്നാല്‍ ഇത് ഒരിക്കലും നല്ല രീതിയല്ല. ഫോണ്‍ ചാര്‍ജ്ജിന് ഇട്ടിരിക്കുന്ന സമയത്ത് ഒരു കാരണവശാലും ഉപയോഗിക്കരുത്.
