നിങ്ങള്‍ക്ക് അറിയാവുന്നവരില്‍ ആര്‍ക്കെങ്കിലും ആത്മഹത്യാ പ്രവണത ശ്രദ്ധയില്‍പ്പെട്ടാല്‍ ഉടന്‍ നിങ്ങളുടെ ആശങ്ക പ്രകടിപ്പിക്കുക, തുറന്നു സംസാരിക്കുക. അദ്ദേഹത്തിന് അടിയന്തിരമായി വിദഗ്ദ്ധ സഹായം നല്‍കാന്‍ ഉള്ള നടപടി എടുക്കുക. ഇത്തരത്തിലുള്ളവരെ ഒരു കാരണവശാലും ഒറ്റയ്ക്ക് ആവാന്‍ അനുവദിക്കരുത്. പലരും സംസാരിക്കാന്‍ വിമുഖത കാണിക്കും. ആത്മഹത്യയെക്കുറിച്ച് തുറന്നു സംസാരിക്കാന്‍ മടിക്കും. എന്നാല്‍ ആ വ്യക്തിയോട് ഉടനടി ആത്മഹത്യാ ചിന്തകളെപ്പറ്റി തുറന്നു സംസാരിക്കുകയും വികാര വിചാരങ്ങള്‍ പങ്കു വയ്ക്കുകയും ചെയ്യുന്നത് നന്നായിരിക്കും.
എന്തൊക്കെ പ്രശ്നങ്ങളുണ്ടായാലും ആത്മഹത്യ ചെയ്യില്ലെന്ന് സത്യം ചെയ്യിക്കുക. മദ്യം, മയക്കുമരുന്ന് തുടങ്ങിയ ഇത്തരക്കാര്‍ ഉപയോഗിക്കാതിരിക്കാന്‍ ശ്രദ്ധിക്കണം. ഒരു കാരണവശാലും മദ്യവും മയക്കുമരുന്നും ഉപയോഗിക്കാനുള്ള ഇട നല്‍കരുത്. ആത്മഹത്യയ്ക്ക് ഉപകരിക്കുന്ന രീതിയിലുള്ള ഒരു വസ്തുക്കളും ആത്മഹത്യാ പ്രവണതയുള്ള വ്യക്തിയ്ക്ക് ലഭിക്കത്തക്ക രീതിയില്‍ വീട്ടില്‍ അലക്ഷ്യമായി ഇടരുത്.
