റമദാന്‍ നോമ്പുകാലത്ത് ഭക്ഷണ കാര്യത്തില്‍ ഏറ്റവും ശ്രദ്ധ ചെലുത്തേണ്ട വിഭാഗം പ്രമേഹ രോഗികളാണ്. പുലര്‍ച്ചെ മുതല്‍ സൂര്യാസ്തമയം വരെയുള്ള ഉപവാസം രക്തത്തിലെ ഗ്ലൂക്കോസിന്റെ അളവില്‍ ഏറ്റക്കുറച്ചിലുകള്‍ക്ക് കാരണമാകും. ഊര്‍ജ്ജം നിലനിര്‍ത്താനും ശരീരത്തെ പോഷിപ്പിക്കാനും പ്രഭാത ഭക്ഷണവും സായാഹ്ന വിരുന്നുകളും സഹായിക്കും. എന്നാല്‍, പ്രമേഹമുള്ളവര്‍ക്ക് ശരീരത്തിലെ ഗ്ലൂക്കോസിന്റെ അളവ് പെട്ടെന്ന് ഉയരുന്നതോ താഴുന്നതോ തടയുന്നതിനായി ഭക്ഷണക്രമത്തില്‍ പ്രത്യേക ശ്രദ്ധ വേണം.
പ്രമേഹ രോഗികള്‍ക്ക് സന്തുലിതമായ ഭക്ഷണക്രമവും പതിവ് നിരീക്ഷണവും വളരെ പ്രധാനമാണ്. നിരന്തരമായ ഗ്ലൂക്കോസ് മോണിറ്ററിംഗ് (സിജിഎം) സംവിധാനങ്ങള്‍ പോലുള്ള ഉപകരണങ്ങളുടെ സഹായത്തോടെ കൃത്യവും തത്സമയവുമായ രക്തത്തിലെ ഗ്ലൂക്കോസ് അളവ് നിരീക്ഷിക്കാന്‍ സാധിക്കും. വിശുദ്ധ മാസത്തിലുടനീളം രക്തത്തിലെ ഗ്ലൂക്കോസിന്റെ അളവ് ഫലപ്രദമായി നിയന്ത്രിക്കുന്നതിന് ഭക്ഷണക്രമത്തിലെ ശ്രദ്ധയും നിരന്തരമായ നിരീക്ഷണവും അനിവാര്യമാണ്.
ഐസിഎംആര്‍ നടത്തിയ സമീപകാല പഠനമനുസരിച്ച് ഇന്ത്യയില്‍ 101 ദശലക്ഷം ആളുകള്‍ പ്രമേഹവുമായി ജീവിക്കുന്നുഎന്നാണ് ജ്യോതിദേവ്‌സ് ഡയബറ്റിസ് റിസര്‍ച്ച് സെന്റര്‍ ചെയര്‍മാനും മാനേജിംഗ് ഡയറക്ടറുമായ ഡോ. ജ്യോതിദേവ് കേശവ ദേവ് പറയുന്നത്. ഇത് ഫലപ്രദമായ രോഗനിയന്ത്രണത്തിന്റെ പ്രാധാന്യം വ്യക്തമാക്കുന്നു. വിശുദ്ധ റമദാന്‍ ആചരിക്കുന്ന സമയത്ത്, പോഷക സമൃദ്ധമായ ഭക്ഷണക്രമം പിന്തുടരേണ്ടത് വളരെ പ്രധാനമാണ്.
പ്രമേഹമുള്ള വ്യക്തികള്‍ക്ക് കണ്ടിന്യൂവസ് ഗ്ലൂക്കോസ് മോണിറ്ററിംഗ് (സിജിഎം) ഡിവൈസ് വളരെ സഹായകമാണ്. രക്തത്തിലെ പഞ്ചസാരയുടെ അളവ് തത്സമയം നിരീക്ഷിക്കാന്‍ സിജിഎം സഹായിക്കുന്നതിനാല്‍, ഉപവാസത്തിന് മുമ്പും ശേഷവും ശരീരത്തിലെ ഗ്ലൂക്കോസ് അളവിലുണ്ടാകുന്ന വ്യതിയാനങ്ങള്‍ തിരിച്ചറിയാനും നിയന്ത്രിക്കാനും അതുവഴി നമുക്ക് സാധിക്കും. സിജിഎം നല്‍കുന്ന വിവരങ്ങള്‍ ഉപയോഗപ്പെടുത്തി ഭക്ഷണവുമായി ബന്ധപ്പെട്ട കൃത്യമായ തീരുമാനങ്ങള്‍ എടുക്കാം.. ആവശ്യാനുസരണം പോഷകാഹാരം തിരഞ്ഞെടുക്കാനും ഭക്ഷണത്തിന്റെ അളവും സമയവും ക്രമീകരിക്കാനും സഹായിക്കും - അദ്ദേഹം കൂട്ടിച്ചേര്‍ത്തു.
റമദാന്‍ നോമ്പ് ആചരിക്കുമ്പോള്‍ പ്രമേഹം ഫലപ്രദമായി കൈകാര്യം ചെയ്യുന്നതിനുള്ള ചില ടിപ്പ്‌സുകള്‍
രക്തത്തിലെ ഗ്ലൂക്കോസിന്റെ അളവ് പതിവായി നിരീക്ഷിക്കുക: നിശ്ചിത ഇടവേളകളില്‍ രക്തത്തിലെ പഞ്ചസാരയുടെ അളവ് പരിശോധിക്കുന്നതിനു പകരം സിജിഎം ഉപകരണങ്ങള്‍ തത്സമയ ഗ്ലൂക്കോസ് നിരീക്ഷണം സാധ്യമാക്കുന്നു. ഈ ഉപകരണങ്ങളില്‍ നിന്നുള്ള വിവരങ്ങള്‍ ഉപയോഗിച്ച് ഭക്ഷണം, ശാരീരിക പ്രവര്‍ത്തനങ്ങള്‍, തെറാപ്പി എന്നിവയുമായി ബന്ധപ്പെട്ട തീരുമാനങ്ങള്‍ എളുപ്പത്തില്‍ എടുക്കാന്‍ സാധിക്കും. നിങ്ങളുടെ സ്മാര്‍ട്ട്‌ഫോണിലും ഡേറ്റ എളുപ്പത്തില്‍ ആക്‌സസ് ചെയ്യാന്‍ കഴിയും. ഇതുവഴി ഈ കാലയളവില്‍ ഭക്ഷണക്രമത്തില്‍ മാറ്റങ്ങള്‍ വരുത്തുവാനും ആരോഗ്യം നിലനിര്‍ത്താനും വ്യക്തികളെ പ്രാപ്തരാക്കും.
ഇഫ്താര്‍ സമയത്ത് ശരീരത്തെ പോഷകങ്ങളാല്‍ റീചാര്‍ജ് ചെയ്യുക: ഈന്തപ്പഴവും പഴങ്ങളും ഉപയോഗിച്ച് നോമ്പ് മുറിക്കുന്നതും പിന്നീട് സമീകൃതാഹാരം കഴിക്കുന്നതുമാണ് പരമ്പരാഗതമായി ചെയ്തുവരുന്ന ഒരു രീതി. ആവശ്യത്തിന് വെള്ളം കുടിക്കുകയും ശരീരത്തിലെ ജലാംശം നിലനിര്‍ത്തുകയും ചെയ്യേണ്ടത് പ്രധാനമാണ്. കാപ്പി, ചായ, ശീതളപാനീയങ്ങള്‍ തുടങ്ങിയ ഉയര്‍ന്ന കഫീന്‍ അല്ലെങ്കില്‍ പഞ്ചസാര അടങ്ങിയിട്ടുള്ള പാനീയങ്ങള്‍ ഒഴിവാക്കുക. കാര്‍ബോഹൈഡ്രേറ്റ്, പ്രോട്ടീന്‍, കൊഴുപ്പ് എന്നിവയുടെ ഉപഭോഗത്തില്‍ സന്തുലിതാവസ്ഥ നിലനിര്‍ത്തുന്ന ഒരു സ്ഥിരമായ ഭക്ഷണക്രമം പിന്തുടരേണ്ടത് പ്രധാനമാണ്. ഓട്‌സ്, മള്‍ട്ടിഗ്രെയിന്‍ ബ്രെഡ്, പച്ചക്കറികള്‍, പയര്‍വര്‍ഗ്ഗങ്ങള്‍ (പരിപ്പ്) എന്നിവ പോലുള്ള പോഷകസമൃദ്ധവും നാരുകള്‍ അടങ്ങിയ അന്നജവും ഉള്ള ഭക്ഷണങ്ങളും മത്സ്യം, ടോഫു, പരിപ്പ് തുടങ്ങിയ പ്രോട്ടീന്‍ അടങ്ങിയ ഭക്ഷണങ്ങളും കൂടുതലായി കഴിക്കുക. പരിഷ്‌കരിച്ച അന്നജം, പഞ്ചസാര, അമിതമായി കൊഴുപ്പ് അടങ്ങിയ ഭക്ഷണങ്ങള്‍ എന്നിവ കഴിക്കുന്നത് കുറയ്ക്കുക.
ഇഫ്താര്‍ സമയത്തും സെഹ്‌റിയുടെ സമയത്തും ഒരു സായാഹ്ന ലഘുഭക്ഷണമായി പ്രമേഹമുള്ളവര്‍ക്ക് എ9ഷ്വ4 ഡയബറ്റിസ് കെയ4 പോലുള്ള ഓറല്‍ പോഷക സപ്ലിമെന്റുകള്‍ കഴിക്കാം. ഉയര്‍ന്ന നിലവാരമുള്ള പ്രോട്ടീനും സുപ്രധാന പോഷകങ്ങളും അടങ്ങിയ ഈ ശാസ്ത്രീയമായി രൂപപ്പെടുത്തിയ സപ്ലിമെന്റുകള്‍ക്ക് ഒരാളുടെ രക്തത്തിലെ ഗ്ലൂക്കോസ്, വിശപ്പ്, ഊര്‍ജ്ജ നില എന്നിവ നിയന്ത്രിക്കാന്‍ സഹായിക്കുന്ന സാവധാനത്തിലുള്ള ഊര്‍ജ്ജ വിതരണ സംവിധാനം ഉണ്ടായിരിക്കും. നിങ്ങളുടെ പോഷക ആവശ്യങ്ങള്‍ക്ക് അനുയോജ്യമായ പരിഹാരങ്ങള്‍ തിരഞ്ഞെടുക്കുന്നതിന് നിങ്ങളുടെ ഡോക്ടറുമായി ബന്ധപ്പെടുക.
ശരീരം ചലിപ്പിച്ചുകൊണ്ടിരിക്കുക: ശരിയായ പ്രമേഹ പോഷകാഹാരം പോലെതന്നെ പ്രധാനമാണ് ശാരീരിക പ്രവര്‍ത്തനങ്ങളും. നല്ല ആരോഗ്യം നിലനിര്‍ത്തുന്നതിന് ഇതും അത്യാവശ്യമാണ്. ഉപവാസ സമയത്ത് ശരിയായ ഭക്ഷണം കഴിക്കുന്നതിനു പുറമേ, പതിവായി വ്യായാമം ചെയ്യുന്നതിലൂടെ ആരോഗ്യത്തോടെയിരിക്കുക എന്നത് പ്രമേഹത്തെ നിയന്ത്രിക്കുന്നതിനുള്ള മികച്ച മാര്‍ഗ്ഗമാണ്. അമിതമായ അധ്വാനവും വ്യായാമങ്ങളും ഒഴിവാക്കുന്നതാണ് നല്ലത് (പ്രത്യേകിച്ചും ഉപവാസത്തിന്റെ അവസാന മണിക്കൂറുകളില്‍). പകരം, ഏകദേശം 30 മിനിറ്റ് ദൈര്‍ഘ്യമുള്ള ലളിതമായ വ്യായാമങ്ങള്‍ മാത്രം ചെയ്യുക. ഇതില്‍ നടത്തമോ യോഗയോ ഉള്‍പ്പെടാം.
നിങ്ങളുടെ ഉറക്ക ക്രമം മെച്ചപ്പെടുത്തുക: റമദാനില്‍ പലപ്പോഴും സുഹൃത്തുക്കളുമായും കുടുംബാംഗങ്ങളുമായും സമയം ചെലവിടുകയും വൈകി എഴുന്നേല്‍ക്കുന്നതും പതിവാണ്. എന്നാല്‍, നല്ല ആരോഗ്യം നിലനിര്‍ത്തുന്നതിന് മതിയായ മണിക്കൂറുകള്‍ കൃത്യമായ ഉറക്കം ലഭിക്കുന്നത് നിര്‍ണായകമാണ്. ഉറക്കക്കുറവ് വിശപ്പിനെയും ദാഹത്തെയും പ്രതികൂലമായി ബാധിക്കുകയും പ്രമേഹം പോലുള്ള രോഗങ്ങളിലേക്ക് നയിക്കുകയും ചെയ്യും. കൂടാതെ, പ്രതിരോധശേഷി, മെറ്റബോളിസം, രക്തത്തിലെ ഗ്ലൂക്കോസിന്റെ അളവ് നിയന്ത്രിക്കല്‍ എന്നിവയില്‍ ഉറക്കം ഒരു പ്രധാന പങ്ക് വഹിക്കുന്നു.
