നിന്റെ അച്ഛന്റെ മുഖത്ത് നോക്കി ഞാൻ ചിരിക്കും, മെസിയെ പരിഹസിച്ച ആരാധകന്റെ വായടപ്പിച്ച് തിയാഗോ മെസ്സി(വീഡിയോ)
ചൊവ്വ, 10 ഓഗസ്റ്റ് 2021 (15:22 IST)
സൂപ്പർ താരം ലയണൽ മെസിയെ പരിഹസിച്ച ആരാധകന് ചുട്ട മറുപടി നൽകി മകൻ തിയാഗോ മെസ്സി. മെസിയുടെ വീട്ടിന് മുൻപിലെത്തിയ ആൾക്കൂട്ടത്തിൽ നിന്ന് ഒരാളാണ് മെസിയെ കളിയാക്കികൊണ്ട് പ്രകോപനം ഉണ്ടാക്കിയത്. ഇതിനായിരുന്നു തിയാഗോ മെസിയുടെ മറുപടി.
മെസ്സി എവിടെ, ഞങ്ങൾക്ക് അയാളുടെ മുഖത്ത് നോക്കി ചിരിക്കണം എന്നായിരുന്നു ആൾക്കൂട്ടത്തിൽ നിന്നും ഒരാൾ പറഞ്ഞത്. എങ്കിൽ നിന്റെ അച്ഛന്റെ മുഖത്ത് നോക്കിഞാനും ചിരിക്കും എന്നായിരുന്നു ഇത് കേട്ടുകൊണ്ട് ഇറങ്ങിവന്ന തിയാഗോയുടെ മറുപടി.
Thiago Messi is a savage.
Fans at Lionel Messi's house:
Fan: "Where is Messi? We are going to laugh at him."
അതേസമയം തിയാഗോയുടെ മറുപടി അവിടെ കൂടിയവരിലും ചിരി പടർത്തി. അച്ഛന് വേണ്ടി മുന്നിൽ നിന്നുകൊണ്ടുള്ള തിയാഗോയുടെ സ്നേഹമാണ് ആരാധകരുടെ മനം കവരുന്നത്. വീഡിയോ സോഷ്യൽ മീഡിയയിൽ വൈറലാണ്.
