ഫുട്‌ബോള്‍ ഇതിഹാസം ഡീഗോ മറഡോണയ്ക്ക് എട്ട് മക്കളുണ്ട്. എന്നാല്‍, വര്‍ഷങ്ങളോളം ഇത് വിവാദ വിഷയമായിരുന്നു. നിയമപരമായി തനിക്ക് രണ്ട് മക്കള്‍ മാത്രമാണ് ഉള്ളതെന്ന് മറഡോണ വാദിച്ചിരുന്നു. വര്‍ഷങ്ങള്‍ക്ക് മുന്‍പ് ഒരു അഭിമുഖത്തിലാണ് തനിക്ക് രണ്ട് മക്കള്‍ മാത്രമാണ് ഉള്ളതെന്ന് മറഡോണ പറഞ്ഞത്. പിന്നീട് വര്‍ഷങ്ങള്‍ക്ക് ശേഷം 2019 ല്‍ തനിക്ക് എട്ട് മക്കളുണ്ടെന്ന് മറഡോണ വെളിപ്പെടുത്തി. 1989 ല്‍ വിവാഹം കഴിച്ച കൗഡിയ വില്‍ഫെയ്‌നില്‍ ഉണ്ടായ രണ്ട് മക്കളെ മാത്രമാണ് മറഡോണ ആദ്യകാലത്ത് അംഗീകരിച്ചിരുന്നത്.
