കോപ്പ അമേരിക്ക ഫൈനലില്‍ ബ്രസീലിനെ നേരിടാനുള്ള തയ്യാറെടുപ്പിലാണ് അര്‍ജന്റീന. മെസിയുടെ ക്യാപ്റ്റന്‍സിക്ക് കീഴില്‍ മേജര്‍ കിരീടം സ്വന്തമാക്കുകയെന്ന ലക്ഷ്യത്തോടെയാണ് അര്‍ജന്റീന കളത്തിലിറങ്ങുക. ടീമിന്റെ കരുത്തായ ക്രിസ്റ്റ്യന്‍ റൊമാരോയുടെ പരുക്കാണ് അര്‍ജന്റീനിയന്‍ പരിശീലകന്‍ ലിയോണല്‍ സ്‌കലോനിയെ ആശങ്കപ്പെടുത്തു. എന്നാല്‍, അര്‍ജന്റീനിയന്‍ മാധ്യമങ്ങളുമായി അടുത്ത വൃത്തങ്ങള്‍ റിപ്പോര്‍ട്ട് ചെയ്യുന്നത് റൊമാരോ പരുക്കില്‍ നിന്ന് മുക്തനായി ആദ്യ ഇലവനില്‍ ഇടംപിടിക്കാന്‍ സാധ്യതയുണ്ടെന്നാണ്.
സാധ്യത ഇലവന്‍ ഇങ്ങനെ: എമിലിയാനോ മാര്‍ട്ടിനെസ്, നഹുവേല്‍ മൊലിന, ജെര്‍മന്‍ പെസെല്ല/ക്രിസ്റ്റ്യന്‍ റൊമാരോ, നിക്കോളാസ് ഒറ്റമെന്‍ഡി, നിക്കോളാസ് ടാഗ്ലിയഫിക്കോ; റോഡ്രിഗോ ഡി പോള്‍, ഗൈഡോ റോഡ്രിഗസ്, ലീന്‍ഡ്രോ പരേഡസ്/ജിയോവാനി ലോ സെല്‍സോ, ലിയോണല്‍ മെസി, ലൗറ്റാറോ മാര്‍ട്ടിനെസ്, നിക്കോളാസ് ഗോണ്‍സാലസ്
