ഈജിപ്‌ത്, ലണ്ടന്‍, ഇസ്‌താംബുള്‍ എന്നിവിടങ്ങളാണ് റാമിന്‍റെ വിദേശ ലൊക്കേഷനുകള്‍. അമ്പത് കോടിയോളം ബജറ്റിലാണ് റാം ഒരുങ്ങുന്നതെന്നാണ് വിവരം. ജീത്തു ജോസഫും മോഹന്‍ലാലും ഇതിനുമുമ്പ് ഒന്നിച്ച ‘ദൃശ്യം’ ഇന്‍ഡസ്‌ട്രി ഹിറ്റ് ആയിരുന്നു. ആ വിജയം റാമിലൂടെ ആവര്‍ത്തിക്കാനാകുമെന്നാണ് അണിയറ പ്രവര്‍ത്തകര്‍ വിശ്വസിക്കുന്നത്.
അഭിഷേക് ഫിലിംസ് നിര്‍മ്മിക്കുന റാമില്‍ ഇന്ദ്രജിത്ത്, ദുര്‍ഗ കൃഷ്‌ണ, ലിയോണ ലിഷോയ് തുടങ്ങിയവര്‍ പ്രധാന കഥാപാത്രങ്ങളെ അവതരിപ്പിക്കുന്നു.
മോഹന്‍ലാല്‍ ഒരു പുതിയ ഹെയര്‍ സ്റ്റൈലിലാണ് ഈ സിനിമയില്‍ അഭിനയിക്കുന്നത് എന്നതാണ് റാമിന്‍റെ പ്രത്യേകത. ഫ്ലാഷ്, ഹലോ തുടങ്ങിയ സിനിമകളില്‍ മോഹന്‍ലാല്‍ പരീക്ഷിച്ച ഹെയര്‍ സ്റ്റൈലിന് സമാനമായ രീതിയിലാണ് റാമില്‍ മോഹന്‍ലാല്‍ ഹെയര്‍ സ്റ്റൈല്‍ ഒരുക്കിയിരിക്കുന്നത്.
