കേരളത്തിൽ നിന്നും ഒരു നോവൽ കൊറോണാ വൈറസ് പോസിറ്റീവ് കേസ് റിപ്പോർട്ട് ചെയ്തു. ഭയവും ആശങ്കയും അല്ല, ജാഗ്രതയാണ് വേണ്ടത്. പ്രളയത്തേയും നിപയേയും അതിജീവിച്ചവരാണ് നമ്മൾ. കൊറോണയും നമ്മൾ അതിജീവിക്കും. എന്നാണ് പോസ്റ്റിൽ എഴുതിയിരിക്കുന്നത്.
ചൈനയിലെ വുഹാൻ സർവകലാശാലയിൽ നിന്നും രോഗബാധയേറ്റ് കേരളത്തിലെത്തിയ പെൺകുട്ടി ഇപ്പോൾ തൃശൂരിലെ ജനറല്‍ ആസ്പത്രിയിലെ ഐസൊലേഷന്‍ വാര്‍ഡില്‍ ചികിത്സയിലാണ്. വിദ്യാര്‍ത്ഥിനിയുടെ നില ഗുരുതരമല്ലെന്നും നിരീക്ഷണത്തിൽ തുടരുകയാണെന്നും കേന്ദ്ര ആരോഗ്യമന്ത്രാലയം അറിയിച്ചിരുന്നു. ഇന്ത്യയിൽ ഇതാദ്യമായാണ് കൊറോണ വൈറസ് സ്ഥിരീകരിക്കുന്നത്.
