ചിത്രത്തിന്റെ ട്രെയിലർ ഓഗസ്ത് 15ന് റിലീസ് ചെയ്യും. മെഗാസ്റ്റാർ മമ്മൂട്ടിയായിരിക്കും ചിത്രത്തിന്റെ ട്രെയിലർ പുറത്തുവിടുക എന്നാണ് റിപ്പോർട്ടുകൾ. എന്നാൽ, ഇക്കാര്യം സംബന്ധിച്ച് ഒടിയന്റെ അണിയറ പ്രവർത്തകർ ഔദ്യോഗികമായി ഒന്നും അറിയിച്ചിട്ടില്ല.
നേരത്തേ, ചിത്രത്തിന്റെ നരേഷന്‍ മമ്മൂട്ടിയുടെ ഗാംഭീര്യമുള്ള ശബ്ദത്തിലാകുമെന്ന് സൂചനകളുണ്ടായിരുന്നു. ഭൂമിയിലെ അവസാനത്തെ ഒടിയനെക്കുറിച്ചുള്ള മമ്മൂട്ടിയുടെ വിവരണത്തോടെയാണത്രേ സിനിമ ആരംഭിക്കുന്നതെന്നായിരുന്നു റിപ്പോർട്ടുകൾ.
ഒക്ടോബറില്‍ പ്രദര്‍ശനത്തിനെത്തുന്ന ഒടിയന്റെ ആക്ഷന്‍ കോറിയോഗ്രഫി പീറ്റര്‍ ഹെയ്ന്‍ നിര്‍വഹിക്കും. നരനും പുലിമുരുകനുമൊക്കെ ക്യാമറയിലാക്കിയ ഷാജി കുമാറാണ് ഒടിയന്റെ ഛായാഗ്രഹണം. മഞ്ജു വാര്യര്‍, പ്രകാശ് രാജ് തുടങ്ങിയ വന്‍ താരനിരയാണ് ഒടിയനിലുള്ളത്.
