'ഞാനത് പ്രതീക്ഷിച്ചതേയില്ല'; പ്രണവ് മോഹന്‍ലാലിന്റെ അഭിനയത്തെക്കുറിച്ച് നടന്‍ വിശാല്‍

മോഹന്‍ലാലിന്റെ മകന്‍ പ്രണവിനെ നേരത്തെ തന്നെ അറിയാമെന്ന് വിശാല്‍. പ്രണവിന്റെ സിനിമ കണ്ടപ്പോള്‍ വലിയ സന്തോഷം തോന്നിയെന്നും നടന്‍ പറഞ്ഞു. 

'ലാല്‍ സാറിന്റെ മകന്‍ പ്രണവ് ബ്രില്യന്റ് ആയാണ് അഭിനയിച്ചത്. ഞാനത് പ്രതീക്ഷിച്ചതേയില്ല. ഫാമിലി ഫ്രണ്ട് എന്ന നിലയില്‍ പ്രണവിനെ നന്നായി അറിയാം. പ്രണവിന്റെ സിനിമ കണ്ടപ്പോള്‍ സന്തോഷവും അഭിമാനവും തോന്നി';-എന്നാണ് മാതൃഭൂമിക്ക് നല്‍കിയ അഭിമുഖത്തിനിടെ വിശാല്‍ പ്രണവിനെ കുറിച്ച് പറഞ്ഞത്.

മലയാളത്തില്‍ നല്ല കഥാപാത്രങ്ങള്‍ ചെയ്യണമെന്ന് ആഗ്രഹവും വിശാലിനുണ്ട്. മാര്‍ക്ക് ആന്റണി എന്ന വിശാലിന്റെ മുപ്പത്തിമൂന്നാമത്തെ ചിത്രത്തിന്റെ പ്രചാരണാര്‍ത്ഥം നല്‍കിയ അഭിമുഖത്തിനിടെയാണ് നടന്‍ മനസ്സ് തുറന്നത്.

പ്രണവ് മോഹന്‍ലാല്‍-വിനീത് ശ്രീനിവാസന്‍ കൂട്ടുകെട്ടില്‍ ഒടുവില്‍ പുറത്തിറങ്ങിയ ചിത്രമാണ് ഹൃദയം. ഈ കൂട്ടുകെട്ടില്‍ രണ്ടാമത്തെ ചിത്രം അടുത്തിടെയാണ് പ്രഖ്യാപിച്ചത്.'വര്‍ഷങ്ങള്‍ക്കുശേഷം' എന്ന് പേരിട്ടിരിക്കുന്ന സിനിമ അണിയറയില്‍ ഒരുങ്ങുകയാണ്.