രഞ്ജിത്ത് സംവിധാനം ചെയ്ത ബ്ലാക്ക് എന്ന ചിത്രത്തിലെ 'അമ്പലക്കര തെച്ചിക്കാവില്‍ പൂരം' എന്ന തട്ടുപൊളിപ്പന്‍ ഗാനം എങ്ങനെയാണ് മലയാളികള്‍ മറക്കുക. മെഗാസ്റ്റാര്‍ മമ്മൂട്ടിക്കൊപ്പം പ്രിയതാരം റഹ്മാനാണ് ഈ ഗാനരംഗത്ത് ആടിത്തിമിര്‍ക്കുന്നത്. ഈ ഗാനരംഗത്ത് മാത്രം അഭിനയിക്കാനായി ബ്ലാക്കിന്റെ സെറ്റിലേക്ക് എത്തിയ സുന്ദരിയാണ് നടി മീനാക്ഷി. ശര്‍മിളി എന്നും താരത്തിന് ആരാധകര്‍ക്കിടയില്‍ വിളിപ്പേരുണ്ട്. താരത്തിന്റെ യഥാര്‍ഥ പേര് മരിയ മാര്‍ഗരറ്റ് എന്നാണ്.
2003 ലാണ് മീനാക്ഷിയുടെ സിനിമാ അരങ്ങേറ്റം. അതും തമിഴ് സിനിമയിലൂടെ. മലയാളത്തില്‍ കാക്കകറുമ്പന്‍, ജൂനിയര്‍ സീനിയര്‍, യൂത്ത് ഫെസ്റ്റിവല്‍, പൊന്മുടി പുഴയോരത്ത് എന്നീ സിനിമകളിലും മീനാക്ഷി അഭിനയിച്ചു.
