മോഹൻലാൽ, മമ്മൂട്ടി തുടങ്ങിയ സൂപ്പർസ്റ്റാറുകൾക്കെതിരെ ആരെങ്കിലും ഏതെങ്കിലും വിഷയത്തിൽ അഭിപ്രായ പ്രകടനമോ വിമർശനമോ നടത്തിയാൽ അവർക്കെതിരെ ആദ്യം ശബ്ദം ഉയർത്തുന്നത് നടൻ സിദ്ദിഖ് ആണ്. കഴിഞ്ഞ കുറച്ച് മാസങ്ങളായി കണ്ടുവരുന്ന രീതിയാണിത്.
അമ്മയില്‍ പിളര്‍പ്പുണ്ടാക്കിയ നടി ആക്രമിക്കപ്പെട്ട സംഭവത്തില്‍ തുടക്കം മുതല്‍ ദിലീപിനായി വാദിക്കുന്ന വ്യക്തി കൂടിയാണ് സിദ്ദിഖ്. താരസംഘടനയുടെ ‘കിരീടമില്ലാത്ത രാജാ’വായി ദിലീപിനെ വീണ്ടും അവരോദിക്കാനുള്ള നീക്കമാണ് സിദ്ദിഖ് മുഖേനെ നടത്തുന്നതെന്ന് റിപ്പോർട്ടുണ്ടായിരുന്നു. എന്നാൽ, അതു തന്നെയാണ് സിദ്ദിഖിന്റെ ഉദ്ദേശമെന്നാണ് സൂചന.
