സിനിമയുടെ പ്രഖ്യാപനം മുതൽ ആരാധകർ ആഘോഷമാക്കിയ ചിത്രമാണ് മോഹൻലാൽ പ്രിയദർശൻ കൂട്ടുകെട്ടിൽ ഒരുങ്ങുന്ന മരക്കാർ അറബിക്കടലിന്റെ സിംഹം. മലയാളത്തിലെ തന്നെ വലിയ ബജറ്റിൽ ഒരുങ്ങുന്ന ചിത്രങ്ങളിൽ ഒന്നാണ് മരാക്കാർ. ഇപ്പോഴിതാ ആരാധകരെ ആവേശത്തിലാക്കി ചിത്രത്തിന്റെ റിലീസ് തീയതി പ്രഖ്യപിച്ചിരിക്കുകയാണ്. അടുത്ത വർഷം മാർച്ച് 19നാണ് സിനിമ തീയറ്ററുകളിൽ എത്തുക.
സിനിമയുടെ ലൊക്കേഷൻ ചിത്രങ്ങൾക്കും വീഡിയോകൾക്കുമെല്ലാം വലിയ സ്വീകാര്യതയാണ് ലഭിച്ചിരുന്നത്. കോഴിക്കോട് സാമൂതിരിയുടെ നാവികപ്പടയുടെ തലവൻ കുഞ്ഞാലി മരക്കാർമാരുടെ കഥയാണ് സിനിമ പറയുന്നത്. മഞ്ജു വാര്യര്‍, പ്രഭു, പ്രണവ് മോഹന്‍ലാല്‍, കല്യാണി പ്രിയദര്‍ശന്‍, ഫാസില്‍, അര്‍ജുന്‍ സര്‍ജ, കീര്‍ത്തി സുരേഷ് തുടങ്ങി വലിയ താരനിര തന്നെ സിനിമയിൽ വേഷമിടുന്നുണ്ട്.
