അമേരിക്കന്‍ ഗായകന്‍ നിക് ജൊനാസിന്റെയും ബോളിവുഡ് താരം പ്രിയങ്ക ചോപ്രയുടെയും വിവാഹമോതിരത്തിന്റെ വില കേട്ട് അമ്പരന്നിരിക്കുകയാണ് ആരാധകര്‍. ഏകദേശം രണ്ട് കോടി രൂപയാണ് ഈ മോതിരത്തിനെന്നാണ് റിപ്പോര്‍ട്ടുകള്‍. പ്രിയങ്കയുടെ തുറന്നുപറച്ചിലിന് പിന്നാലെയാണ് ആരാധകര്‍ ഈ മോതിരത്തിന്റെ വില അന്വേഷിച്ചു തുടങ്ങിയത്.
അടുത്തിടെ വിദേശ മാധ്യമത്തിനു നല്‍കിയ അഭിമുഖത്തില്‍ പ്രിയങ്ക തന്നെയാണ് മോതിരത്തിന്റെ സവിശേഷതകളെക്കുറിച്ചു വിശദീകരിച്ചത്. പ്രിയങ്കയ്ക്കു ലഭിച്ചതില്‍ ഏറ്റവും ആകര്‍ഷകവും വിലപിടിപ്പുള്ളതുമായ ആഭരണമേതാണെന്നുള്ള ചോദ്യത്തിനു മറുപടിയായാണ് താരം മനസ്സ് തുറന്നത്. തനിക്ക് ഏറ്റവും ഇഷ്ടപ്പെട്ട ആഭരണം വിവാഹമോതിരം ആണെന്ന് പ്രിയങ്ക പറഞ്ഞു. നിക് നല്‍കിയ മോതിരത്തോട് തനിക്ക് വളരെ അടുത്ത ആത്മബന്ധമുണ്ടെന്നും ജീവിതത്തില്‍ ഏറെ വിലപ്പെട്ടതാണെന്നും പ്രിയങ്ക പറഞ്ഞു. 2018 ഡിസംബര്‍ 1ന് രാജസ്ഥാനിലെ ഉമൈദ് ഭവന്‍ കൊട്ടാരത്തില്‍ വച്ചായിരുന്നു പ്രിയങ്ക ചോപ്രയും നിക് ജൊനാസും വിവാഹിതരായത്.
