മീശ പിരിച്ച ലാലേട്ടന്‍ വേഷങ്ങളോട് പ്രത്യേക ആരാധനയാണ് മലയാളികള്‍ക്ക്. എന്നാല്‍ മീശയില്ലാതെ ക്ലീന്‍ ഷേവില്‍ മോഹന്‍ലാല്‍ തകര്‍ത്തഭിനയിച്ച സിനിമകള്‍ ഉണ്ട്. മോഹന്‍ലാലിന്റെ മുഖത്തെ സൂക്ഷാമിഭനയം പുറത്തെടുത്ത കഥാപാത്രങ്ങളാണ് അതില്‍ പലതും. അത്തരത്തില്‍ മോഹന്‍ലാല്‍ മീശയില്ലാതെ അഭിനയിച്ച ഏതാനും സിനിമകല്‍ ഏതൊക്കെയാണെന്ന് നോക്കാം.
പപ്പന്‍ പ്രിയപ്പെട്ട പപ്പന്‍
സിദ്ധിഖ് ലാലിന്റെ തിരക്കഥയില്‍ സത്യന്‍ അന്തിക്കാട് ഒരുക്കിയ ചിത്രമാണ് പപ്പന്‍ പ്രിയപ്പെട്ട പപ്പന്‍. 1986 ലാണ് ചിത്രം റിലീസ് ചെയ്തത്. മോഹന്‍ലാലിനൊപ്പം റഹ്‌മാനും തിലകനും ചിത്രത്തില്‍ ശ്രദ്ധേയമായ വേഷങ്ങള്‍ അവതരിപ്പിച്ചിരിക്കുന്നു.
ഇരുവര്‍
എം.ജി.ആര്‍, കരുണാനിധി, ജയലളിത എന്നിവരുടെ ജീവിതമാണ് മണിരത്‌നം ഇരുവരിലൂടെ പ്രേക്ഷകരിലേക്ക് എത്തിച്ചത്. 1997 ലാണ് ഇരുവര്‍ റിലീസ് ചെയ്തത്. എംജിആര്‍ ആയാണ് മോഹന്‍ലാല്‍ ചിത്രത്തില്‍ അഭിനയിച്ചത്. ആനന്ദന്‍ എന്നായിരുന്നു മോഹന്‍ലാലിന്റെ കഥാപാത്രത്തിന്റെ പേര്.
