മലയാളം കണ്ട എക്കാലത്തെയും വലിയ റിലീസായി 3000ല്‍ അധികം തിയറ്ററുകളിലാണ് ചിത്രം ആഗോള വ്യാപകമായി എത്തുന്നത്. കേരളത്തില്‍ 400ഓളം തിയറ്ററുകളില്‍ ചിത്രമെത്തുന്നു. തമിഴ്, തെലുങ്ക് പതിപ്പുകളും പുറത്തിറക്കുന്നുണ്ട്.
സംവിധായകന്‍ എന്നതിനൊപ്പം ചിത്രത്തില്‍ നടനായും പ്രഥ്വിരാജ് ഉണ്ട്. പുലർച്ചെ മുതൽ ഫാൻസ് ഷോ ആരംഭിച്ചു. പങ്കെടുക്കുന്ന അഭിമുഖങ്ങളിലെല്ലാം മോഹന്‍ലാലും ലൂസിഫര്‍ അനുഭവത്തെക്കുറിച്ച് തുറന്നുപറഞ്ഞിരുന്നു. സംവിധായകനെന്ന നിലയില്‍ ഗംഭീര പ്രകടനമാണ് പൃഥ്വിയുടേതെന്നും ചിത്രീകരിക്കാന്‍ പോവുന്ന രംഗങ്ങളെക്കുറിച്ചും മറ്റ് വിഷയങ്ങളെക്കുറിച്ചുമൊക്കെ അദ്ദേഹത്തിന് കൃത്യമായ ധാരണയുണ്ടായിരുന്നു.
