നിര്‍മാതാവ് വിജയ് കിരാഗണ്ടൂര്‍ ചെന്നൈയില്‍ എത്തി മോഹന്‍ലാലുമായി കൂടിക്കാഴ്ച നടത്തിയെന്നാണ് വിവരം. സലാര്‍ രണ്ടാം ഭാഗത്ത് സുപ്രധാന കാമിയോ റോള്‍ ചെയ്യാന്‍ ലാല്‍ സമ്മതം അറിയിച്ചതായും ഗോസിപ്പുകളുണ്ട്. ഇക്കാര്യത്തില്‍ ഔദ്യോഗിക സ്ഥിരീകരണങ്ങളൊന്നും ലഭിച്ചിട്ടില്ലെങ്കിലും അടുത്ത വര്‍ഷം നടക്കുന്ന സലാര്‍ 2 പ്രൊജക്ടില്‍ ലാലും ഭാഗമാകുമെന്നാണ് ആരാധകര്‍ പ്രതീക്ഷിക്കുന്നത്.
തെലുങ്ക്, തമിഴ്, മലയാളം, കന്നഡ, ഹിന്ദി എന്നിങ്ങനെ അഞ്ച് ഭാഷകളിലാണ് സലാര്‍ റിലീസ് ചെയ്തത്. മലയാളത്തില്‍ സമ്മിശ്ര പ്രതികരണങ്ങളാണ് ചിത്രത്തിനു ലഭിച്ചത്. പൃഥ്വിരാജിന്റെ പ്രകടനം വലിയ രീതിയില്‍ ചര്‍ച്ചയായിരുന്നു.
