ഞാൻ ഇനിയും ഇതുപോലുള്ള വസ്ത്രങ്ങൾ ധരിക്കും, വിവാദങ്ങൾ എന്നെ ബാധിക്കില്ല; വിമർശകർക്ക് ചുട്ടമറുപടിയുമായി മംമ്ത

സിനിമകളിൽ ഗ്ലാമർ വേഷം ധരിക്കുമെങ്കിലും പൊതുവേദികളിൽ അത്ര ഗ്ലാമറസായി എത്താറുള്ള ആളല്ല മംമ്ത മോഹൻദാസ്. എന്നാൽ ഈ അടുത്ത കാലത്ത് യൂറോപിലെ ഒരു ടിവിചാനൽ മെയ് 28 ന് മാഞ്ചസ്റ്ററില്‍ സംഘടിപ്പിച്ച അവാര്‍ഡ് നിശയിൽ ഗ്ലാമർവേഷത്തിലെത്തിയ മംമ്തയ്ക്കെതിരെ നിരവധിപേർ വിമർശനവുമായി രംഗത്തെത്തിയിരുന്നു. എന്നാൽ വിമർശകർക്ക് ചുട്ടമറുപടിയുമായി എത്തിയിരിക്കുകയാണ് നടി.

ഞാൻ ഇനിയും ഇത്തരത്തിലുള്ള വസ്ത്രങ്ങൾ ധരിക്കും. വിവാദങ്ങൾ എന്നെ ബാധിക്കാറില്ല. ഈ വാർത്തകളൊന്നും എന്നെ ബാധിക്കാറില്ല. ഇത്തരം കാര്യങ്ങൾ വാർത്തയായി വരുന്നത് കഷ്ട്മാണെന്നും മംമ്ത വ്യക്തമാക്കി. ഒരു ചാനലിന് നൽകിയ അഭിമുഖത്തിലായിരുന്നു മംമ്ത ഇക്കാര്യം വെളിപ്പെടുത്തിയത്.

ഹോളിവുഡ് നടിമാരെ പോലും വെല്ലുന്ന വസ്ത്രമാണ് അതെന്നായിരുന്നു എല്ലാവരും പറഞ്ഞത്. ഞാനിപ്പോൾ‌‌‌‌‌‌‌‌‌‌‌ ജീവിക്കുന്നത് അങ്ങനെയൊരു സ്ഥലത്താണ്. ഈ ലോകം വളരെ വിശാലമാണ്. നമുക്കിടയിൽ രണ്ട് വിഭാഗത്തിലുള്ള ആളുകൾ ഉണ്ട്, ചിലർ പൊതുസമൂഹത്തിന് മുന്നിൽ നിശബ്ദരായിരിക്കും മറ്റുചിലർ സ്വകാര്യജീവിതത്തിൽ സ്മാർട്ട് ആയിരിക്കും. അവർ എന്തുതന്നെ ആയാലും എന്നെ ബാധിക്കില്ല എന്നും മംമ്ത അറിയിച്ചു.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം