മമ്മൂട്ടിയും മോഹന്‍ലാലും നിരവധി സിനിമകളില്‍ ഒരുമിച്ചഭിനയിച്ചിട്ടുണ്ട്. ജോഷി സംവിധാനം ചെയ്ത ട്വിന്റി 20യിലാണ് അവസാനമായി ഇരുവരും ഒന്നിച്ചത്. ഇതിനിടയില്‍ രഞ്ജിതിന്റെയും രഞ്ജി പണിക്കരുടെയും തിരക്കഥയില്‍ മോഹന്‍ലാലും മമ്മൂട്ടിയുമൊന്നിക്കുന്നു എന്ന വാര്‍ത്ത നാലുവര്‍ഷങ്ങള്‍ക്ക് മുമ്പ് വന്നിരുന്നു. ഷാജി കൈലാസ് ആണ് ചിത്രം സംവിധാനം ചെയ്യാനിരുന്നത്.
"4 വര്‍ഷങ്ങള്‍ക്ക് മുന്‍പ് തീരുമാനിച്ചിരുന്ന മമ്മൂട്ടി - മോഹന്‍ലാല്‍ പ്രോജക്‌ട് ഉപേക്ഷിച്ചതിനെക്കുറിച്ച്‌ വാസ്തവവിരുദ്ധമായ പല വാര്‍ത്തകളും മീഡിയകളില്‍ കാണുന്നു. ഇരുവരുടെയും ഡേറ്റുകള്‍ തമ്മില്‍ ക്ലാഷ് ആയതുകൊണ്ടും തിരക്കഥാകൃത്തുകളായ രഞ്ജി പണിക്കര്‍, രഞ്ജിത് എന്നിവരുടെ തിരക്കുകള്‍ കൊണ്ടുമാണ് ആ പ്രോജക്‌ട് ഉപേക്ഷിക്കേണ്ടി വന്നത്" - ഷാജി കൈലാസ് വ്യക്തമാക്കി.
