'സിനിമ മോശമായാലും സൂര്യയെങ്കിലും നന്നാകാറുണ്ട്, കങ്കുവയില്‍ രണ്ടും കണക്കാ'; ആരാധകര്‍ കലിപ്പില്‍, ശിവയ്ക്ക് പൊങ്കാല
' സിനിമ മോശമായാലും സൂര്യയുടെ പ്രകടനം പൊതുവെ നന്നാകാറുണ്ട്. എന്നാല്‍ കങ്കുവയില്‍ സൂര്യ കൂടി മോശമായിരിക്കുന്നു. ഈ സിനിമ തിയറ്ററിലിരുന്ന് കാണുന്നത് അസഹനീയമായിരുന്നു.' ഒരു പ്രേക്ഷകന്‍ പ്രതികരിച്ചു. വളരെ മോശം തിരക്കഥയെന്നാണ് കൂടുതല്‍ പ്രേക്ഷകരും പറയുന്നത്. സിനിമയില്‍ മുഴുവന്‍ വലിയ ശബ്ദകോലാഹലങ്ങള്‍ ആണെന്നും അതുകൊണ്ട് തന്നെ പ്രേക്ഷകനു തലവേദനയുണ്ടാക്കുമെന്നുമാണ് സിനിമ ഇഷ്ടപ്പെടാത്ത ഒരാള്‍ കുറിച്ചത്. സൂര്യയുടെ പ്രകടനം മാറ്റിനിര്‍ത്തിയാല്‍ മറ്റൊന്നും സിനിമയില്‍ ഇല്ലെന്നും ഇയാള്‍ പറയുന്നു.
