"പിജി വിശ്വംബരൻ സാറിന്റെ ചിത്രമായ പാർവതിക്ക് പരിണയത്തിൽ ദിലീപിന്റെ നിർബന്ധ പ്രകാരമാണ് ഞാൻ അഭിനയിക്കുന്നത്. കൊക്കരക്കോയിൽ മുഴുനീള കഥാപാത്രമായതുകൊണ്ടുതന്നെ ഈ ചിത്രത്തിനോട് എനിക്ക് താൽപ്പര്യം കുറവായിരുന്നു. ഒരു ഭിക്ഷക്കാരന്റെ റോളായിരുന്നു. മൂന്ന് സീനാണ് എനിക്ക് ഉണ്ടായിരുന്നത്. പാവപ്പെട്ട ഭിക്ഷക്കാരന് എന്തെങ്കിലും തരണേ എന്ന ഡയലോഗായിരുന്നു പറയേണ്ടത്. ഞാന്‍ ഹമ്മ ഹമ്മ സോംഗിനെ ചേര്‍ത്ത് ഡയലോഗ് അവതരിപ്പിച്ചു. പൊട്ടിച്ചിരിയായിരുന്നു അവിടെയുണ്ടായത്. ആ സീന്‍ എന്റെ സിനിമാ ജീവിതത്തിലെ പ്രധാന വഴിത്തിരിവായിരുന്നു."
