സമീപകാലത്ത് നടന്‍ ദിലീപിന്‍റെ ജീവിതത്തില്‍ സംഭവിച്ച പല കാര്യങ്ങളും, ഇങ്ങനെയൊക്കെ ജീവിതത്തിലുണ്ടാകുമോ എന്ന് ചിന്തിച്ചുപോകുന്ന കാര്യങ്ങളാണ്. എന്നാല്‍ ദിലീപിന്‍റെ ജീവിതത്തില്‍ സംഭവിച്ച കാര്യങ്ങളില്‍ പലതും അതേ ഘട്ടത്തില്‍ തന്നെ പൂര്‍ത്തിയായ ഒരു മലയാള സിനിമയില്‍ കാണാന്‍ കഴിഞ്ഞു എന്നത് ഏവരെയും അമ്പരപ്പിച്ച ഒരു കാര്യം. ‘രാമലീല’ എന്ന സിനിമ നേരിട്ട വലിയ പ്രതിസന്ധിയും മലയാള സിനിമയുടെ ചരിത്രത്തില്‍ തന്നെ മറ്റൊരു സിനിമയും നേരിട്ടിട്ടില്ലാത്ത വെല്ലുവിളികളായിരുന്നു.
“ദിലീപ് എന്ന നടനില്ലെങ്കില്‍ രാമലീല ഉണ്ടാകുമായിരുന്നില്ല. അദ്ദേഹത്തിന്‍റെ സപ്പോര്‍ട്ട് ഒന്നുകൊണ്ടുമാത്രമാണ് ഈ സിനിമ സംഭവിച്ചത്. പല പ്രശ്നങ്ങളുണ്ടായപ്പോഴും നമ്മള്‍ തെറ്റൊന്നും ചെയ്തില്ലല്ലോ, നമുക്ക് നല്ലതേ വരൂ, നീ ടെന്‍ഷനാവേണ്ട... എന്നൊക്കെ പറഞ്ഞ് പൂര്‍ണ പിന്തുണ നല്‍കി ദിലീപേട്ടന്‍ കൂടെ നിന്നു” - രാമലീലയുടെ സംവിധായകന്‍ അരുണ്‍ ഗോപി അടുത്തിടെ മംഗളത്തിന് അനുവദിച്ച അഭിമുഖത്തില്‍ വ്യക്തമാക്കി.
