തമിഴ് സൂപ്പര്‍താരം ധനുഷിന്റേയും ഭാര്യയും സംവിധായികയുമായ ഐശ്വര്യയുടേയും വിവാഹമോചന വാര്‍ത്ത ഞെട്ടലോടെയാണ് ആരാധകര്‍ കേട്ടത്. എന്നാല്‍, ഇരുവരും വേര്‍പിരിയലിന്റെ വക്കിലാണെന്ന് ബന്ധുക്കള്‍ക്കും സുഹൃത്തുക്കള്‍ക്കും അറിയാമായിരുന്നു.
തങ്ങള്‍ നിയമപരമായി പിരിയുകയാണെന്ന് ഇന്നലെയാണ് ഇരുവരും സോഷ്യല്‍ മീഡിയയിലൂടെ അറിയിച്ചത്. എന്നാല്‍, ഇതിനു മുന്‍പ് തന്നെ ഇരുവരും വേര്‍പ്പെട്ടു താമസിക്കാന്‍ തുടങ്ങിയിരുന്നതായാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. മക്കള്‍ വളര്‍ന്നുവന്ന് പക്വതയോടെ കാര്യങ്ങള്‍ മനസിലാക്കുന്ന ഘട്ടം വരാന്‍ ഇരുവരും കാത്തിരിക്കുകയായിരുന്നു.
ധനുഷിന്റെ ജോലി തിരക്കാണ് ഇരുവര്‍ക്കുമിടയിലെ പ്രശ്‌നത്തിന്റെ കാരണമെന്നും കഴിഞ്ഞ കുറച്ച് നാളുകളായി ഇരുവരും വിവാഹ മോചനത്തിനായി തയ്യാറെടുക്കുകയായിരുന്നുവെന്നും ഇരുവരുമായി അടുത്ത സുഹൃത്ത് പറഞ്ഞതായാണ് ഇന്ത്യ ടുഡെയില്‍ പറയുന്നത്. ധനുഷിന്റെ ജോലി തിരക്കും യാത്രകളും ദാമ്പത്യ ബന്ധത്തില്‍ താളപ്പിഴകള്‍ക്ക് കാരണമായെന്ന് റിപ്പോര്‍ട്ടില്‍ പറയുന്നു. ദാമ്പത്യ ബന്ധം വഷളാകാന്‍ തുടങ്ങിയതോടെ ധനുഷ് കൂടുതല്‍ സിനിമ തിരക്കുകളില്‍ മുഴുകാന്‍ ശ്രമിച്ചെന്നും റിപ്പോര്‍ട്ടില്‍ പറയുന്നു.
