അന്ന് ഹൃദയം തകര്‍ന്ന് തിയേറ്ററില്‍ നിന്ന് മടങ്ങിയെന്നും ഇന്ന് 24 വര്‍ഷങ്ങള്‍ക്ക് ശേഷം ആ ചിത്രം ആദ്യദിനത്തില്‍ ഹൗസ് ഫുള്‍ ആണെന്നും സംവിധായകന്‍ സിബി മലയില്‍. 24 വര്‍ഷം മുമ്പ് ദേവദൂതന്‍ തിയേറ്ററുകളില്‍ എത്തിയ ദിവസം തനിക്ക് ഇന്നും ഓര്‍മ്മയുണ്ടെന്നും അദ്ദേഹം പറഞ്ഞു. വലിയ പ്രതീക്ഷയായിരുന്നു സിനിമയെ കുറിച്ച്. എന്നാല്‍ എല്ലാം വിപരീതമായാണ് സംഭവിച്ചത്. ദേവദൂതന്‍ വലിയ പരാജയമായിരുന്നു. അതേതുടര്‍ന്ന് താന്‍ കടുത്ത നിരാശയിലൂടെ പോയി. ഒരു വര്‍ഷത്തോളം സിനിമയില്‍ നിന്നും വിട്ടു നിന്നു.
