കെ മധുവിന്റെ സംവിധാനത്തില്‍ മമ്മൂട്ടി സേതുരാമയ്യരാകുന്ന അടുത്ത സിബിഐ ചിത്രം ഉടനുണ്ടാകുമെന്നും തിരക്കഥ പൂര്‍ത്തിയായെന്നും അദ്ദേഹം പറഞ്ഞു. ഫേസ്ബുക്ക് കൂട്ടായ്മയായ മൂവീ സ്ട്രീറ്റിന്റെ ലൈഫ് ടൈം അച്ചീവിമെന്റ് അവാര്‍ഡ് ഏറ്റുവാങ്ങി സംസാരിക്കവേയാണ് സിബി ഐ സീരീസിലെ അഞ്ചാം ചിത്രത്തെ കുറിച്ച്‌ തിരക്കഥാകൃത്ത് വാചാലനായത്.
'സിബി ഐ അഞ്ച് താന്‍ എഴുതി തളര്‍ന്നതാണ്. ഇപ്പോര്‍ തിരക്കഥ പൂര്‍ത്തിയാക്കിയിട്ടുണ്ട്, ഉടന്‍ തുടങ്ങും. മലയാളത്തിലെ ത്രില്ലര്‍ ചിത്രങ്ങള്‍ക്ക് ഒരു ചൂണ്ടുപലകയായി സിബി ഐ 5 മാറും. ചിത്രത്തിനായി അത്രയേറേ മാനസികാധ്വാനവും കൂടിയാലോചനകളും നടന്നിട്ടുണ്ട്, ഏറെ പരിശ്രമിച്ച്‌ തയാറാക്കിയ തിരക്കഥയാണിത്'- എസ്‌എന്‍ സ്വാമി പറഞ്ഞു.
