പൃഥ്വിരാജിന്റെ ആരാധകര്‍ ആടുജീവിതം സിനിമയ്ക്കായി കാത്തിരിക്കാന്‍ തുടങ്ങിയിട്ട് വര്‍ഷങ്ങളായി. വരാനിരിക്കുന്ന ഡിസംബറില്‍ ചിത്രം തീയറ്ററുകളില്‍ എത്തുമെന്ന് പ്രതീക്ഷയിലാണ് ഏവരും. അതിനിടെ പൃഥ്വിരാജിന്റെ ആരാധക ഗ്രൂപ്പില്‍ ഒരു ഫാന്‍ മെയ്ഡ് പോസ്റ്റര്‍ പ്രത്യക്ഷപ്പെട്ടു. മലയാള സിനിമയെ ലോകത്തിന്റെ നെറുകയില്‍ എത്തിക്കാന്‍ ആടുജീവിതം വരുന്നു എന്ന ക്യാപ്ഷനോടെയാണ് ചിത്രം സോഷ്യല്‍ മീഡിയയില്‍ പ്രചരിച്ചത്.
സിനിമയെക്കുറിച്ച് സംവിധായകന്‍ ബ്ലെസിക്ക് പറയാനുള്ളത് ഇതാണ്.
'ആടുജീവിതത്തെ കുറിച്ച് എന്തെങ്കിലും പറയാന്‍ ആയിട്ടില്ല. ചിത്രത്തിന്റെ അണിയറ കാര്യങ്ങള്‍ നന്നു കൊണ്ടിരിക്കയാണ്. എല്ലാവരും പ്രതീക്ഷയോടെ കാത്തിരിക്കുന്നു എന്നറിഞ്ഞതില്‍ സന്തോഷം. എല്ലാം ഫൈനലില്‍ എത്തിയ ശേഷം നിങ്ങളെ അറിയിക്കുന്നതായിരിക്കും',-ബ്ലെസി പറഞ്ഞു.
