മമ്മൂട്ടി വിശ്രമിക്കുന്നു, മോഹന്‍ലാലിനെ മലര്‍ത്തിയടിച്ച് ദുല്‍ക്കര്‍ !

മത്സരത്തില്‍ നിന്ന് മമ്മൂട്ടി മാറിനില്‍ക്കുകയാണ്. പകരം കളം പിടിച്ചടക്കി ദുല്‍ക്കര്‍ സല്‍മാന്‍ മുന്നേറുന്നു. മോഹന്‍ലാലിനെ മലര്‍ത്തിയടിച്ച് ദുല്‍ക്കര്‍ കരുത്ത് കാട്ടിയ ഒരു സംഭവം ഉണ്ടായിരിക്കുന്നു.

മോഹന്‍ലാലിന്‍റെ മുന്തിരിവള്ളികള്‍ തളിര്‍ക്കുമ്പോള്‍, ദുല്‍ക്കറിന്‍റെ ജോമോന്‍റെ സുവിശേഷങ്ങള്‍ എന്നീ സിനിമകള്‍ ഇപ്പോള്‍ സൂപ്പര്‍ഹിറ്റായി പ്രദര്‍ശിപ്പിക്കുകയാണല്ലോ. ഈ സിനിമകളുടെ സാറ്റലൈറ്റ് റൈറ്റുകള്‍ വില്‍ക്കുമ്പോഴാണ് ദുല്‍ക്കര്‍ മോഹന്‍ലാലിനെ മറികടന്നത്.

മുന്തിരിവള്ളികള്‍ തളിര്‍ക്കുമ്പോള്‍ സൂര്യാ ടി വിയാണ് വാങ്ങിയത്. ചിത്രത്തിന് സാറ്റലൈറ്റ് അവകാശത്തുകയായി ലഭിച്ചത് 5.80 കോടി രൂപ. അതേസമയം, ജോമോന്‍റെ സുവിശേഷങ്ങള്‍ മഴവില്‍ മനോരമ വാങ്ങിയത് 6.10 കോടി രൂപയ്ക്കാണ്.

ദുല്‍ക്കറിന്‍റെ താരമൂല്യവും സത്യന്‍ അന്തിക്കാട് എന്ന ഘടകവും കുടുംബസിനിമ എന്നതുമാണ് ജോമോന്‍റെ സുവിശേഷങ്ങള്‍ക്ക് വമ്പന്‍ ബിസിനസ് സാധ്യമാക്കിയത്. ജോമോന്‍ തിയേറ്ററുകളില്‍ നടത്തുന്ന തകര്‍പ്പന്‍ പ്രകടനവും സാറ്റലൈറ്റ് തുക കുതിച്ചുയരാന്‍ കാരണമായി. 

ഇക്ബാല്‍ കുറ്റിപ്പുറം തിരക്കഥയെഴുതിയ ജോമോന്‍റെ സുവിശേഷങ്ങളില്‍ മുകേഷും മുത്തുമണിയും മനോബാലയും പ്രധാനതാരങ്ങളാണ്.