നിവിന്‍ പോളിക്ക് തീവില, മലയാളത്തില്‍ ഒന്നരക്കോടി, തമിഴില്‍ 6 കോടി!

മലയാളത്തില്‍ ഇന്ന് മോഹന്‍ലാല്‍ കഴിഞ്ഞാല്‍ താരമൂല്യത്തില്‍ അടുത്ത സ്ഥാനം നിവിന്‍ പോളിക്കാണ്. നിവിന്‍ പോളി അഭിനയിക്കുന്ന സിനിമകള്‍ക്ക് വന്‍ ബിസിനസാണ് ഇന്ത്യയിലും വിദേശത്തും നടക്കുന്നത്. നിവിന്‍ അഭിനയിക്കുന്ന മിക്ക ചിത്രങ്ങളും ഇന്‍ഡസ്ട്രി ഹിറ്റുകളായി മാറുകയും ചെയ്യുന്നു.

ഇപ്പോള്‍ പ്രതിഫലത്തിലും നിവിന്‍ കുതിക്കുകയാണ്. മലയാളത്തില്‍ ഒന്നരക്കോടി രൂപയാണ് നിവിന്‍ പോളി കൈപ്പറ്റുന്ന പ്രതിഫലമെന്നാണ് റിപ്പോര്‍ട്ടുകള്‍. തമിഴില്‍ നിവിന്‍ ആറ്‌ കോടി രൂപ വരെ പ്രതിഫലം പറ്റുന്നതായും വിവരം.

പ്രതിഫലക്കാര്യത്തില്‍ മലയാളത്തില്‍ പൃഥ്വിരാജിനൊപ്പമാണ് ഇപ്പോള്‍ നിവിന്‍ എത്തിയിരിക്കുന്നത്. പൃഥ്വിയും ഒന്നരക്കോടി രൂപയാണ് പ്രതിഫലമായി മലയാളത്തില്‍ കൈപ്പറ്റുന്നതെന്നാണ് വിവരം.

ഈ വര്‍ഷം തെന്നിന്ത്യയിലെ താരറാണിമാരായ നയന്‍‌താരയും തൃഷയും ഓരോ മലയാള ചിത്രങ്ങള്‍ ചെയ്യുന്നുണ്ട്. ആ രണ്ട് സിനിമകളിലെയും നായകന്‍ നിവിന്‍ പോളിയാണെന്നതാണ് ശ്രദ്ധേയമായ കാര്യം.