ഫുട്ബോള്‍ യഥാര്‍ത്ഥത്തില്‍ മൈതാനത്തിലെ കളിയല്ല, അത് തലച്ചോറിനുള്ളിലാണ് നടക്കുന്നത് എന്ന് പറഞ്ഞത് ആരാണ്? ആരെങ്കിലുമാകട്ടെ. ജര്‍മ്മനിയുടെ കളി കണ്ടിട്ടുള്ളവര്‍ ആ പറഞ്ഞത് അക്ഷരം‌പ്രതി ശരിയാണെന്ന് സമ്മതിക്കും.
തന്ത്രങ്ങളുടെ ആശാന്‍‌മാരാണ് ജര്‍മ്മനി. ഇങ്ങനെയും കളിക്കാന്‍ കഴിയുമോയെന്ന് എതിരാളികള്‍ ചിന്തിച്ചുതുടങ്ങുമ്പോഴേക്കും ജര്‍മ്മനി തങ്ങളുടെ വിജയഗോളും സ്വന്തമാക്കിയിരിക്കും. തന്ത്രത്തിലെ മികവും അത് എക്സിക്യൂട്ട് ചെയ്യാനുള്ള അപാരമായ വേഗതയും ചടുലമായ നീക്കങ്ങളുമെല്ലാം ചേര്‍ന്ന് ഒരു സമ്പൂര്‍ണ ത്രില്ലറായിരിക്കും ജര്‍മ്മനി ഉള്‍പ്പെടുന്ന ഓരോ മത്സരവും.
