കുടുംബാംഗങ്ങള്‍ തമ്മില്‍ ഒത്തൊരുമയില്ല എന്ന് തോന്നുന്നുണ്ടോ? അങ്ങനെയെങ്കില്‍ വീടിന്റെ തെക്ക് കിഴക്ക് ഭാഗത്ത് ഒരു അക്വേറിയം സ്ഥാപിക്കാം. ഇതുവഴി ഉണ്ടാവുന്ന ഊര്‍ജ്ജ വ്യതിയാനങ്ങള്‍ നിങ്ങളുടെ കുടുംബാന്തരീക്ഷത്തിന് അയവ് വരുത്തും. അതേപോലെ, ഇതേ ദിശയില്‍ കടും നിറത്തിലുള്ള ഇലകള്‍ ഉള്ള ചെടികളും സ്ഥാപിക്കുന്നതും കുടുംബ ബന്ധങ്ങളെ സുദൃഢമാക്കും.
സന്താ‍നങ്ങളുടെ ഉന്നതിക്ക് പടിഞ്ഞാറ് അല്ലെങ്കില്‍ വടക്ക് പടിഞ്ഞാറ് ദിശകളില്‍ വിന്‍ഡ് ചൈമുകള്‍ തൂക്കിയാല്‍ മതി. പടിഞ്ഞാറ് വിന്‍ഡ് ചൈം തൂക്കുന്നത് വിദ്യാഭ്യാസ കാര്യങ്ങള്‍ക്കുള്ള പുരോഗതിക്കും വടക്ക് പടിഞ്ഞാറ് ഇവ തൂക്കുന്നത് തൊഴില്‍ പരമായ ഉന്നതിക്കും സഹായകമാവും. വ്യക്തിപരമായ പ്രശസ്തിയും ഉന്നതിയും വേണമെന്നുണ്ടെങ്കില്‍ തെക്ക് ഭാഗത്ത് ഒരു പ്രകാശ സ്രോതസ് ഉണ്ടായിരിക്കണം.
വിവാഹ സംബന്ധമായ പ്രശ്നങ്ങളാണ് നിങ്ങളെ അലട്ടുന്നത് എങ്കില്‍ വൈവാഹിക മേഖലയായ തെക്ക് പടിഞ്ഞാറ് മൂലയ്ക്ക് പ്രാധാന്യം നല്‍കണം. ഇവിടെ ഒരു ക്രിസ്റ്റലോ ചുവന്ന റാന്തലുകളോ സ്ഥാപിക്കുന്നത് വളരെ നല്ലതാണ്. ഈ ദിക്കില്‍ ചുവന്ന റോസാ പുഷ്പങ്ങള്‍ കൊണ്ട് അലങ്കരിക്കുന്നതും അനുകൂല ഊര്‍ജ്ജപ്രവാഹം സൃഷ്ടിക്കുമെന്നാണ് കരുതുന്നത്.
