ഒരാള്‍ മാത്രം, കളിയാട്ടം, കൈക്കുടന്ന നിലാവ്, മധുരനൊമ്പരക്കാറ്റ്, മേഘമല്‍‌ഹാര്‍, കല്യാണരാമന്‍, സദാനന്ദന്‍റെ സമയം, രാപ്പകല്‍, ഫോട്ടോഗ്രാഫര്‍, ലൌഡ് സ്പീക്കര്‍, നോട്ടുബുക്ക്, ഗര്‍ഷോം, അങ്ങനെ ഒരവധിക്കാലത്ത്, പോക്കിരിരാജ, മായാമോഹിനി തുടങ്ങി അനവധി ഹിറ്റ് സിനിമകളുടെ ഭാഗമായി ഉണ്ണികൃഷ്ണന് നമ്പൂതിരി.
തമിഴ് ചിത്രങ്ങളായ കണ്ടുകൊണ്ടേന്‍ കണ്ടുകൊണ്ടേന്‍, പമ്മല്‍ കെ സംബന്ധം, ചന്ദ്രമുഖി തുടങ്ങിയവയിലെ കഥാപാത്രങ്ങളും ശ്രദ്ധിക്കപ്പെട്ടു.
ഭാവാഭിനയ പ്രധാനമായ റോളുകളില്‍ തിളങ്ങിയിരുന്ന നടനായിരുന്നു ഉണ്ണികൃഷ്ണന് നമ്പൂതിരിയെന്ന് മുഖ്യമന്ത്രി പിണറായി വിജയന്‍ അനുശോചന സന്ദേശത്തില്‍ അനുസ്‌മരിച്ചു. എന്നും ഇടതുപക്ഷ സഹയാത്രികനായിരുന്ന അദ്ദേഹം സിപിഎമ്മിനോട് ആത്മബന്ധം പുലര്‍ത്തിയെന്നും പിണറായി ഓര്‍മ്മിച്ചു. അദ്ദേഹത്തിന്‍റെ വേര്‍പാട് കലാലോകത്തിന് വലിയ നഷ്ടമാണ് ഉണ്ടാക്കിയിരിക്കുന്നതെന്നും മുഖ്യമന്ത്രി പറഞ്ഞു.
