നടിയുടെ പരാതിയിലെ ചില പരാമർശങ്ങളും കൂട്ടുപ്രതികളുടെ മൊഴികളും കൂട്ടിവായിച്ചാൽ മറ്റാരോ നൽകിയ ക്വട്ടേഷനാണെന്ന് വ്യക്തം. ഒരു സ്ത്രീയുടെ ക്വട്ടേഷനാണെന്ന് ആക്രമിച്ചതിന് ശേഷം ഇയാൾ നടിയോട് പറഞ്ഞതായി മണികഠനും നടിയും മൊഴി നൽകിയിട്ടുണ്ട്. എന്നാൽ, അത് വെറുതെ പറഞ്ഞ‌തായിരുന്നു എന്നാണ് സുനി പറയുന്നത്.
സംഭവശേഷം മറ്റാരേയോ വിളിച്ച് കാര്യംനിര്‍വഹിച്ച വിവരം പൊട്ടിച്ചിരിച്ചുകൊണ്ട് സുനി പറഞ്ഞതായും മണികണ്ഠനും പ്രദീപും മൊഴി നല്‍കിയിരുന്നു. ഇതാരാണെന്ന് ഇനിയും വ്യക്തമായിട്ടില്ല. സഹകരിച്ചില്ലെങ്കിൽ പത്തിരുപത് ആളുകളെ കൊണ്ട് ഫ്ലാറ്റിൽ കൊണ്ട്പോയി പീഡിപ്പിക്കുമെന്ന് സുനി നടിയോട് പറഞ്ഞിരുന്നു. ഇതും ഇയാൾ നിഷേധിക്കുകയാണ്. നല്ല പരിശീലനം കിട്ടിയ മട്ടിലാണ് സുനി പോലീസിന്റെ ചോദ്യങ്ങളെ നേരിട്ടത്.
