കൂടത്തായി പരമ്പരക്കൊലപാതക്കേസില്‍ ഞെട്ടിക്കുന്ന വിവരങ്ങളാണ് ഓരോ ദിവസവും പുറത്തുവരുന്നത്. കേസിലെ പ്രതി ജോളി ജോസഫ് സാത്താന്‍ ആരാധികയായിരുന്നെന്നും പതിവായി സാത്താന്‍ പൂജ നടത്തുമായിരുന്നു എന്നും വിവരങ്ങള്‍ ലഭിച്ചതായി മാധ്യമങ്ങള്‍ റിപ്പോര്‍ട്ട് ചെയ്യുന്നു. കട്ടപ്പനയില്‍ സാത്താന്‍ പൂജ നടത്തുന്നവരുമായി ജോളിക്ക് അടുത്ത ബന്ധമുണ്ടായിരുന്നുവത്രേ.
ആഭിചാരവും മനുഷ്യക്കുരുതിയും നടത്തി സമ്പത്തും അധികാരവും നേടുക എന്നതായിരുന്നു ജോളിയുടെ പൈശാചിക കൃത്യങ്ങള്‍ക്ക് പിന്നിലെ ലക്‍ഷ്യമെന്നാണ് പ്രമുഖ മാധ്യമങ്ങള്‍ റിപ്പോര്‍ട്ടുകളില്‍ വെളിപ്പെടുത്തുന്നത്. കോഴിക്കോട് കേന്ദ്രമാക്കി പ്രവര്‍ത്തിക്കുന്ന സാത്താന്‍ പൂജാ സംഘത്തില്‍ ജോളിയും അംഗമായിരുന്നു എന്നാണ് വിവരം.
