ലോകകപ്പിൽ നിന്നും ഇന്ത്യയുടെ പുറത്താകലിൽ ഞെട്ടിയിരിക്കുകയാണ് ആരാധകരും ക്രിക്കറ്റ് ലോകവും. എന്നാൽ, ഇന്ത്യയുടെ തകർച്ചയിൽ സന്തോഷിക്കുന്ന ഒരു കൂട്ടരുണ്ട്, പാകിസ്ഥാൻ. സെമി ഫൈനലിൽ പോലും കയറാതെയാണ് പാകിസ്ഥാൻ പുറത്ത് പോയത്. ഇന്ത്യയെ സെമിയിൽ പുറത്തായതിന്റെ സന്തോഷം പാക് മുൻ‌താരങ്ങൾ തുറന്നു പറയുകയും ചെയ്തു.
പാകിസ്താന്‍ ലോകകപ്പിന്റെ സെമിയിലെത്താതെ പുറത്താവാനുള്ള കാരണക്കാര്‍ ഇന്ത്യയാണെന്ന് ബാസിത് അലിയടക്കമുള്ള ചില മുന്‍ പാക് താരങ്ങള്‍ നേരത്തേ ആരോപിച്ചിരുന്നു. ഇംഗ്ലണ്ടിനെതിരായ പ്രാഥമിക റൗണ്ട് മല്‍സരത്തില്‍ പാക് ടീം സെമി കാണാതിരിക്കാന്‍ മനപ്പൂര്‍വ്വം മോശം പ്രകടനം നടത്തി ഇന്ത്യ തോല്‍വിയേറ്റു വാങ്ങുകയായിരുന്നുവെന്നാണ് മുൻ പാക് താരങ്ങൾ ആരോപിച്ചത്.
