ഐസിസി ഏകദിന റാങ്കിങ്ങില്‍ ഇന്ത്യന്‍ ആധിപത്യം. യുവതാരം ശുഭ്മാന്‍ ഗില്‍ ഒന്നാം സ്ഥാനം നിലനിര്‍ത്തി. പാക്കിസ്ഥാന്‍ ബാറ്റര്‍ ബാബര്‍ അസം ആണ് രണ്ടാം സ്ഥാനത്ത്. ലോകകപ്പ് തുടങ്ങുന്ന സമയത്ത് ഒന്‍പതാം റാങ്കില്‍ ആയിരുന്ന വിരാട് കോലി മൂന്നാം സ്ഥാനത്തേക്ക് കയറി. ലോകകപ്പിലെ മികച്ച പ്രകടനമാണ് കോലിക്ക് സ്ഥാനക്കയറ്റം സമ്മാനിച്ചത്. ലോകകപ്പില്‍ മൂന്ന് സെഞ്ചുറികള്‍ അടക്കം 765 റണ്‍സാണ് കോലി നേടിയത്. ടൂര്‍ണമെന്റിലെ താരവും കോലി തന്നെ. രണ്ടാം സ്ഥാനത്തുള്ള ബാബറിനേക്കാള്‍ 33 പോയിന്റ് മാത്രം പിന്നിലാണ് കോലി ഇപ്പോള്‍.
