ക്രിക്കറ്റ് ലോകത്ത് പലപ്പോഴും വാർത്തകളിൽ ഇടം നേടാറുള്ള സഹോദരങ്ങളാണ് പാകിസ്ഥാന്റെ കമ്രാൻ അക്‌മലും,ഉമർ അക്‌മലും. കളിക്കളത്തിൽ രണ്ടുപേർക്കും അബദ്ധങ്ങൾ പറ്റുന്നത് പതിവാണെങ്കിലും ഇപ്പോൾ ഏറെ ചർച്ചയായിരിക്കുന്നത് പാക് താരം ഉമർ അക്‌മലിന് ട്വിറ്ററിൽ സംഭവിച്ച ഒരു മണ്ടത്തരമാണ്. തന്റെ ഔദ്യോഗിക ട്വിറ്റര്‍ പേജില്‍ ഉമര്‍ ചെയ്ത ട്വീറ്റിലെ മണ്ടത്തരമാണ് പാക് താരത്തെ കുരുക്കിയത്. പാക് മുൻതാരമായ അബ്‌ദുൾ റസാഖിനൊപ്പമുള്ള ചിത്രം പങ്കുവെച്ച ഉമർ 'എന്റെ സഹോദരന് പിറക്കാതെപോയ എന്റെ അമ്മ എന്നാണ് ചിത്രത്തിന് തലക്കെട്ട് നൽകിയത്. ഇതാണിപ്പോൾ ട്വിറ്ററിലെ പരിഹാസത്തിന് കാരണമായത്.
എന്റെ അമ്മയ്ക്ക് പിറക്കാതെപോയ എന്റെ സഹോദരന് എന്നായിരുന്നു യഥാർത്ഥത്തിൽ എഴുതേണ്ടിയിരുന്നത്. എന്നാൽ ഉമറിന് തെറ്റുപറ്റുകയായിരുന്നു. പക്ഷേ താരം ഈ ട്വീറ്റ് പിൻവലിക്കുന്നതിന്റെ മുൻപ് തന്നെ അത് സോഷ്യൽ മീഡിയയിൽ വൈറലായി മാറി. ഉമർ അക്‌മൽ നേരത്തെ ഇട്ടിരുന്ന ട്വിറ്റിന്റെ സ്ക്രീൻ ഷോട്ട് വെച്ച് ഇപ്പോൾ താരത്തെ ട്രോളുകയാണ് ആരാധകർ.
