ന്യൂസിലന്‍ഡ് നായകന്‍ ടോം ലാതം ബാറ്റ് ചെയ്യുന്നതിനിടെ ഗ്ലൗസ് കൊണ്ട് സ്റ്റംപ്‌സ് ഇളക്കിയ ഇന്ത്യന്‍ വിക്കറ്റ് കീപ്പര്‍ ഇഷാന്‍ കിഷനെ രൂക്ഷമായി വിമര്‍ശിച്ച് സുനില്‍ ഗവാസ്‌കര്‍. ന്യൂസിലന്‍ഡ് ഇന്നിങ്‌സിന്റെ 16-ാം ഓവറിലായിരുന്നു സംഭവം. ഗ്ലൗസ് കൊണ്ട് സ്റ്റംപ്‌സ് ഇളക്കിയ ശേഷം ഇഷാന്‍ കിഷന്‍ വിക്കറ്റിനായി അപ്പീല്‍ ചെയ്യുകയായിരുന്നു. ഹിറ്റ് വിക്കറ്റാണെന്ന് കരുതി അംപയര്‍ മൂന്നാം അംപയറുടെ സഹായം തേടുകയും ചെയ്തു. അപ്പോഴാണ് ഇഷാന്‍ കിഷന്‍ കാണിച്ച കുസൃതിയാണ് സംഭവമെന്ന് മനസ്സിലായത്.
