Virat Kohli: വിരാട് കോലിയെ റോയല്‍ ചലഞ്ചേഴ്‌സ് ബാംഗ്ലൂര്‍ റിലീസ് ചെയ്യണമെന്ന ആവശ്യവുമായി ആരാധകര്‍. ആര്‍സിബിയില്‍ നിന്നുകൊണ്ട് ഒരു കപ്പ് നേടാന്‍ കോലിക്ക് സാധിക്കില്ലെന്നും ഐപിഎല്ലില്‍ ഇത്രയേറെ റെക്കോര്‍ഡ് ഉള്ള കോലി കിരീടമില്ലാതെ വിരമിക്കേണ്ടി വരുന്ന സാഹചര്യം സഹിക്കാന്‍ പറ്റില്ലെന്നുമാണ് ആരാധകര്‍ പറയുന്നത്. ഒരു സീസണ്‍ കൂടി കളിക്കാന്‍ സാധിച്ചാല്‍ അത് വേറൊരു ഫ്രാഞ്ചൈസിക്ക് വേണ്ടിയാകുന്നതാണ് കോലിക്ക് നല്ലതെന്നാണ് ആരാധകരുടെ അഭിപ്രായം.
കോലിക്ക് ഇപ്പോള്‍ 34 വയസ് കഴിഞ്ഞു. അന്താരാഷ്ട്ര കരിയര്‍ അവസാനിപ്പിച്ചാലും കുറച്ച് വര്‍ഷം കൂടി കോലി ഐപിഎല്ലില്‍ തുടര്‍ന്നേക്കും. അതുകൊണ്ട് ആര്‍സിബി കോലിയെ ഈ സീസണ്‍ കഴിഞ്ഞാല്‍ റിലീസ് ചെയ്യണം. വേറെന്തെങ്കിലും ഫ്രാഞ്ചൈസിയില്‍ കളിച്ച് കപ്പ് നേടാന്‍ കോലിക്ക് അവസരമുണ്ടാക്കി കൊടുക്കണം. ഐപിഎല്ലില്‍ ഇത്രയേറെ റെക്കോര്‍ഡുകള്‍ സ്വന്തമായുള്ള കോലി ഒരു കിരീടമില്ലാതെ കരിയര്‍ അവസാനിപ്പിക്കേണ്ടി വന്നാല്‍ അത് തങ്ങള്‍ക്ക് വേദനയുണ്ടാക്കുമെന്നും ആരാധകര്‍ പറയുന്നു.
