ഇംഗ്ലണ്ട് ഓൾ റൗണ്ടർ മോയിൻ അലി ടെസ്റ്റ് ക്രിക്കറ്റിൽ നിന്നും വിരമിക്കുന്നു. ഇന്ത്യൻ പ്രീമിയർ ലീഗിൽ ചെന്നൈ സൂപ്പർ കിങ്സിനായി കളിക്കുന്ന അലി നിലവിൽ യു.എ.ഇയിലാണ്.ഐസിസി ടെസ്റ്റ് ഓൾ റൗണ്ടർമാരുടെ പട്ടികയിൽ മൂന്നാമത് നിൽക്കവെയാണ് മോയിൻ അലിയുടെ വിരമിക്കൽ വാർത്ത പുറത്ത് വരുന്നത്.വിരമിക്കൽ വിവരം ഇംഗ്ലണ്ട് നായകൻ ജോ റൂട്ടിനെയും കോച്ച് ക്രിസ് സിൽവർവുഡിനെയും താരം അറിയിച്ചുവെന്നാണ് റിപ്പോർട്ടുകൾ.
