മോശം ഫീൽഡിങ്ങും ബൗളിങ് നിലവാരവും ഇന്ത്യയെ അലട്ടുന്നുണ്ടെങ്കിലും പ്രധാനമായും മൂന്ന് വിൻഡീസ് താരങ്ങളെയാണ് ഇന്ത്യ ഭയപ്പെടുന്നത്. ഇവർ മൂന്ന് പേരും ഐ പി എല്ലിൽ മുംബൈക്കായി കളിച്ചിട്ടുള്ളവർ ആയതിനാൽ തന്നെ ഈ താരങ്ങൾക്ക് ഹോം ഗ്രൗണ്ട് കൂടിയാണ് സ്റ്റേഡിയം. വിന്‍ഡീസ് താരങ്ങളായ കിരോണ്‍ പൊള്ളാര്‍ഡ്, എവിന്‍ ലൂയിസ്, സിമ്മണ്‍സ് എന്നീ മുംബൈ ഇന്ത്യൻ താരങ്ങളെയാണ് അടുത്ത മത്സരത്തിൽ ഇന്ത്യ ഏറ്റവും ഭയപ്പെടുന്നത്. ഇവരിൽ ലൂയിസ് ഇന്ത്യയുടെ പേടി സ്വപ്നമാണ്.
മുംബൈ ഇന്ത്യൻ താരം കൂടിയായ വിൻഡീസ് നായകൻ പോള്ളാർഡാണ് ഇന്ത്യയെ ഭയപ്പെടുത്തുന്ന മറ്റൊരു താരം. 10 വർഷങ്ങളായി ഐ പി എല്ലിൽ മുംബൈക്ക് വേണ്ടി കളിക്കുന്ന പൊള്ളാർഡിന് ഗ്രൗണ്ട് സുപരിചിതമാണ്. തിരുവനന്തപുരത്ത് നടന്ന രണ്ടാം ടി20യിൽ അപരാജിത ഫിഫ്റ്റിയുമായി വിൻഡീസ് വിജയത്തിന് ചുക്കാൻ പിടിച്ച ഓപ്പണിങ് താരം സിമ്മൺസിന്റെയും ഇഷ്ടഗ്രൗണ്ടാണ് വാംഖഡെ.
