പോർട്ട് ഓഫ് സ്പെയിൻ: വെസ്റ്റ്ഇൻഡീസുമയുള്ള രണ്ടാം ഏകദിനത്തിനായി ഇന്ത്യ ഇന്ന് കളത്തിലിറങ്ങാൻ തയ്യറെടുക്കുമ്പോൾ. മഴ ഒഴിഞ്ഞു നിൽക്കാനായുള്ള പ്രാർത്ഥനയിലാണ് ക്രിക്കറ്റ് ആരാധകർ. കളി നടക്കുന്ന ട്രിനിഡാഡിൽ മഴ പെയ്തേക്കില്ല എന്നാണ് കാലാവസ്ഥ പ്രവചനം എങ്കിലും ഇരു ടീമുകളും, ആരാധകരും ആശങ്കയിലാണ്.
ആദ്യ മത്സരത്തിൽ കെഎൽ രാഹുലിന് പകരം ശ്രേയസ് അയ്യരിന് അവസരം ലഭിച്ചു എങ്കിലും കളിക്കാൻ സാധിച്ചില്ല. ഭുവനേശ്വർ കുമാറിനോ, ഖലീൽ അഹമ്മദിനോ പകരക്കാരനായി നവ്ദീപ് സെയ്‌നി ഇന്ന് അരങ്ങേറ്റം കുറിച്ചേക്കും എന്നും സൂചനകളുണ്ട്.
