India vs England, 2nd Test: ഇംഗ്ലണ്ടിനെതിരായ രണ്ടാം ടെസ്റ്റില് ഇന്ത്യ ശക്തമായ നിലയില്. ഒന്നാം ഇന്നിങ്സില് ഇന്ത്യ 143 റണ്സിന്റെ ലീഡ് സ്വന്തമാക്കി. ഒന്നാം ഇന്നിങ്സില് ഇന്ത്യ 396 റണ്സ് നേടിയപ്പോള് ഇംഗ്ലണ്ടിന്റെ ഒന്നാം ഇന്നിങ്സ് 253 ന് അവസാനിച്ചു. രണ്ടാം ദിനം കളി നിര്ത്തുമ്പോള് ഇന്ത്യ രണ്ടാം ഇന്നിങ്സില് വിക്കറ്റൊന്നും നഷ്ടപ്പെടാതെ 28 റണ്സ് നേടിയിട്ടുണ്ട്. ഇന്ത്യയുടെ ലീഡ് 171 റണ്സായി. 15 റണ്സുമായി യഷസ്വി ജയ്സ്വാളും 13 റണ്സുമായി രോഹിത് ശര്മയുമാണ് ക്രീസില്.
